ئیران: قوربانی ب ره‌نگه‌كێ خه‌ته‌ر زێده‌ دبن

ئیران: قوربانی ب ره‌نگه‌كێ خه‌ته‌ر زێده‌بووینه‌

هه‌ژمارا قوربانیێن ڤایرۆسا كۆرۆنا یا نوو كۆڤید-19 به‌ر ب زێده‌بوونێ نه‌، پشتی 63 كه‌سێن دی جانێ خۆ ژ ده‌ست داین.

وه‌زاره‌تا ساخله‌مییا ئیرانێ ئه‌ڤرۆ راگه‌هاند، 63 حاله‌تێن مرنێ یێن نوو ب ڤایرۆسا كۆرۆنایێ هاتنه‌ تۆمار كرن، ب ڤێ چه‌ندێ هه‌ژمارا كه‌سێن كو ژ ده‌ستپێكێ تا ئه‌ڤرۆ رۆژا چارشه‌مبێ گیانێ خوه‌ ژ ده‌ست داین، گه‌هشتییه‌ 354 كه‌سان.

ل ده‌ربارا هه‌ژمارا تووشبوویان ژی، وه‌زاره‌تا ساخله‌مییا ئیرانێ ده‌ست نیشان كر، 958 حاله‌تێن نوو د 24 ده‌مژمێرێن بۆری دا هاتینه‌ تۆمار كرن، ب ڤێ چه‌ندێ هه‌ژمارا تووشبوویان ژ 9 هزار كه‌سان ده‌رباز بوویه‌.

وه‌زاره‌تا ساخله‌مییا ئیرانێ هه‌روه‌ها دیار كر، 2 هزار و 959 تووشبوویێن كۆرۆنایێ چاره‌سه‌ر بووینه‌ و ژ نه‌خۆشخانه‌یان ده‌ركه‌فتینه‌.