پوتین هه‌تا 2024ێ دێ مینیت

پۆتین هه‌تا 2024ێ دێ مینیت

ئه‌نجوومه‌تا دۆمایێ یا په‌رله‌مانێ رووسیا فه‌ده‌رال، ئه‌ڤرۆ ل سه‌ر راستڤه‌كرنێن ده‌ستووری رازیبوو و ب وێ چه‌ندێ پوتینی دێ ماف هه‌بیت هه‌تا 2024ێ د سه‌رۆكاتییا رووسیا دا بیت.

ئه‌نجوومه‌نا دۆمایێ ئه‌ڤرۆ رۆژا چارشه‌مبێ 11/3/2020ێ ل سه‌ر هنده‌ك راستڤه‌كرنێن ده‌ستووری رازیبوو، ئه‌ڤ راستڤه‌كرنه‌ د به‌رژه‌وه‌ندییا ڤلادیمێر پوتینی دانه‌ و وی دێ ماف هه‌بیت بۆ خوله‌كا دی یا سه‌رۆكاتییا رووسیا خۆ كاندید بكه‌ت.

ژ سه‌رجه‌مێ 450 ئه‌ندامێن ئه‌نجوومه‌نا دۆمایێ، 383 ئه‌ندامان ده‌نگ ب ئه‌رێ ل سه‌ر وان راستڤه‌كرنێن ده‌ستووری دا، 43 ئه‌ندامان ژی ده‌نگ نه‌دا.

ڤلادیمێر پوتین ته‌مه‌ن 67 ساله‌، ده‌ما 20 سالانه‌ وه‌كه‌ زه‌لامێ ئێكێ د مه‌یدانا سیاسی یا رووسیا فه‌ده‌رال دا دهێته‌ هه‌ژمارتن، چ ل سه‌رۆكاتییا وه‌زیران، چ ل سه‌رۆكاتییا ده‌وله‌تێ.

 ل گۆر ده‌ستوورێ نها یێ رووسیا، پوتینی ماف نه‌بوو جاره‌كا دی خوه‌ كاندید بكه‌ت، لێ ئه‌نجوومه‌نا دۆمایێ ئه‌ڤ راستڤه‌كرنه‌ د به‌رژه‌وه‌ندییا وی دا ئه‌رێ كرن.

پوستێن ھەمان بەش