كۆمارا ئیسلامییا ئیرانێ، ئه‌ڤرۆ تووشبوونا «ئیسحاق جیهانگیری» یێ جێگرێ سه‌رۆك كۆمارێ ئیرانێ ب ڤایرۆسا كۆرۆنایێ راگه‌هاند.
ئاژانسا فارس یا ئیرانی، ئه‌ڤرۆ رۆژا چارشه‌مبێ 11/3/2020ێ تووشبوونا ئیسحاق جیهانگیری جێگرێ ئیكێ یێ حه‌سه‌ن رۆحانی ب ڤایرۆسا كۆرۆنا یا نوو كۆڤید-19 راگه‌هاند و دیار كر، جیهانگیری نها ژ ئالیێ تیمه‌كا ساخله‌میێ ڤه د ناڤ مالا وی دا دهێته چاره‌سه‌ر كرن.
ده‌ستهلاتا ئیرانێ ژ بۆ كو نووچه‌یا تووشبوونا جیهانگیری ل به‌ر گه‌لێ ئیرانێ به‌رزه بكه‌ت، جیهانگیری ژ بۆ نه‌خوه‌شخانێ نه‌ڤه‌گوهاستییه.
ل گۆره‌ی چاڤكانیێن ئیرانێ، جیهانگیری ژ رۆژا ئینیا رابووری واته پشتی ب جهـ هێلانا جڤینا ئه‌نجوومه‌نا بلند یا به‌رهنگاربوونا ڤایرۆسا كۆرۆنایێ ل وه‌زاره‌تا ساخله‌میێ، د چ جڤینه‌كا دی یا فه‌رمی دا نه‌هاتییه دیتن و ته‌نێ وی تویته‌ك كرییه.
