فه‌رمانداره‌كێ سوپایێ پاسداران یێ كۆمارا ئیسلامییا ئیرانێ، ئه‌ڤرۆ ب ئه‌گه‌را تووشبوونا وی ب ڤایرۆسا كۆرۆنایێ گیانێ خوه ژ ده‌ست دا.
ئاژانسا فارس یا نووچه‌یان، ئه‌ڤرۆ رۆژا ئینی 13/3/2020ێ راگه‌هاند، عه‌مید ناسر شه‌عبانی فه‌رمانده د سوپایێ پاسداران دا، ب ئه‌گه‌را تووشبوونا وی ب ڤایرۆسا كۆرۆنا یا نوو كۆڤید-19، گیانێ خوه ژ ده‌ستدا.
عه‌مید ناسر شه‌عبان به‌رێ جێگرێ فه‌رماندارێ فه‌یله‌قا قودس یا سوپایێ پاسداران بوو، هه‌روه‌ها به‌شداری د جه‌نگا ئیراقێ و ئیرانێ دا كربوو.
ل گۆر داتایێن فه‌رمی یێن ئیرانێ، هه‌تا ئێڤارا ئه‌ڤرۆ رۆژا ئینی، 11 هزار و 364 كه‌س ل ئیرانێ تووشی ڤایرۆسا كۆرۆنایێ بووینه، هه‌روه‌ها 514 كه‌سان گیانێ خوه ژ ده‌ست دایه، لێ به‌لێ ئامار و چاڤكانیێن نه‌فه‌رمی و یێن رۆژهلاتا كوردستانێ، به‌حسا گیان ژ ده‌ست دانا پێتری 2 هزار كه‌سان دكه‌ن.
