ژ ئیتالیایێ مزگینیەک خوەش

ژ ئیتالیایێ مزگینیەک خوەش

پاولۆ ئاسیێرتۆ، پرۆفیسۆر ل پەیمانگەها پاسکال ئا ناپۆلی ل باشوورێ وەلاتێ ئیتالیا، د داخوەیانیەکێ دە ژ بۆ ئاژانسا نووچەیان ئا فەرمی ل ئیتالیا “ئانسا” راگهاند، تیما پزیشکی یا پەیمانگەها وان، گهیشتینە ڤەدیتنا چارەسەریەکێ ژ بۆ وان کەسێن تووشی ڤیرۆسا کۆرۆنا بووی.

ڤی پرۆفیسۆری راگهاند، ئەو دەرمانێ وان ژ بۆ نەخوەشێن ب ڤیرۆسا کۆرۆنا تووش بووی ب ناڤێ (Tocilizumab)ە، ئەڤ دەرمان ل دژی هەوکرنا سیهێن مرۆڤی یە، پرۆفیسۆر پاولۆ هەر وەها راگهاند کو وان ئەڤ دەرمانە ل سەر دو نەخوەشان جەرباندیە و ئەو نەخوەش ژ ڤیرۆسا کۆرۆنا خلاس بوونە، ناڤبری راگهاند کو ئەڤ دەرمانە د دەما 24 ساعەتان دە راستەراست کێنجا خوە ل سەر نەخوەشان دکە و رەوشا وان بەر ب باش بوونێ ڤە دبە.

ئەو تیما پزیشکی یا کو ئەڤ دەرمانە ڤەدیتی، نها ژ بلی نەخوەشخانەیا پاسکال ل ناپۆلی، ل نەخوەشخانەیێن بێرگەمۆ، میلانۆ و فانۆ کو زێدەترین تووشبوویێن ڤیرۆسا کۆرۆنا ب خوە ڤە دگرن ڤی دەرمانی ب کار دئینن.

هەڤدەم دگەل راگهاندنا ڤەدیتنا دەرمانا دژە ڤیرۆسا کۆرۆنا، هنەک ژ سیناتۆرێن سیناتا ئیتالیایێ دەستخوەشی و پشتەڤانیا خوە ژ بۆ وێ تیما پزیشکی راگهاند.