كه‌سه‌كێ دی ئه‌ڤرۆ ل باژارێ سلێمانیێ یێ هه‌رێما كوردستانێ تووشی ڤایرۆسا كۆرۆنا یا نوو (كۆڤید-19) بوو، پاش كو ئه‌نجامێن تێستێن وی پۆزه‌تیڤ ده‌ركه‌تین.
د. سامان به‌رزنجی، وه‌زیرێ ساخله‌مییا هه‌رێما كوردستانێ، ئه‌ڤرۆ رۆژا ئێكشه‌مبێ 15/3/2020ێ د به‌یانه‌كێ دا راگه‌هاند، كه‌سه‌كێ دی یێ ئاكنجیێ سلێمانیێ تووشی ڤایرۆسا كۆرۆنا یا نوو (كۆڤید-19) بوویه، پاش كو ئه‌نجامێن تێستێن وی پۆزه‌تیڤ ده‌ركه‌تین.
هه‌روه‌ها دیار كر، كه‌سێ كو نوو تووشی ڤێ ڤایرۆسێ ل سلێمانیێ بوویه، زه‌لامه‌كێ ته‌مه‌ن 46 سالی یه و ب ڤێ چه‌ندێ هه‌ژمارا سه‌رجه‌م تووشبوویێن هه‌رێما كوردستانێ گه‌هشته 29 كه‌سان.
حكوومه‌تا هه‌رێما باشوورێ كوردستانێ ب ئه‌گه‌را روو ب روو بوونا ڤایرۆسا كۆرۆنایێ، ژ دوهی ل هه‌ردو باژارێن هه‌ولێرا پایته‌خت و سلێمانیێ قه‌ده‌غه‌یا ده‌ركه‌تنێ راگه‌هاندییه.
