حاله‌ته‌كێ دی یێ ڤایرۆسا كۆرۆنا یا نوو (كۆڤید-19) ئه‌ڤرۆ ل توركیا هاته‌ تۆمار كرن و وه‌زیرێ ساخله‌میێ راگه‌هاند، هه‌ژمارا تووشبوویان گه‌هشتییه‌ 6 كه‌سان.

فه‌خره‌ددین ئالتۆن، وه‌زیرێ ساخله‌مییا توركیا ئه‌ڤرۆ رۆژا ئێكشه‌مبێ 15/3/2020ێ گۆت: «هه‌تا نها 6 حاله‌تێن پشت راست كری یێن ڤایرۆسا كۆرۆنا یا نوو (كۆڤید-19) ل توركیا هاتینه‌ تۆمار كرن، پشتی كو ئه‌ڤرۆ كه‌سه‌كێ دی تووشبوونا وی هاتییه‌ راگه‌هاندن.

دیار كر، كه‌سێ كو نوو تووش بووی، وه‌لاتییه‌كێ توركه‌ و ژ ئه‌ره‌بستانا سعوودیێ ڤه‌گه‌ریایه‌ كو ژ بۆ ئه‌داكرنا عومرێ قه‌ستا وی ولاتی كربوو.

وه‌زیرێ ساخله‌مییا توركیا ل ده‌ربارا رێكارێن خۆپاراستنێ و به‌رهنگاربوونێ ژی دیار كر، وان ئاهه‌نگێن ئادارێ راگرتنه‌ و خواندنگه‌هـ ژی قه‌پات كرینه‌.