ل ئیرانێ 1209 كه‌سێن دی تووشبوون

ئیرانێ تووشبوونا 1209 كه‌سێن دی راگه‌هاند

كۆمارا ئیسلامییا ئیرانێ ئه‌ڤرۆ تووشبوونا 1209 كه‌سێن دی ب ڤایرۆسا كۆرۆنا یا نوو (كۆڤید-19) راگه‌هاند، هه‌ژمارا قوربانییان ژی ب ئاوایه‌كێ خه‌ته‌ر زێده‌بوویه‌.

وه‌زاره‌تا ساخله‌مییا ئیرانێ ئه‌ڤرۆ رۆژا ئێكشه‌مبێ 15/3/2020ێ راگه‌هاند، 1209 كه‌سێن دی د 24 ده‌مژمێرێن بووری دا تووشی ڤایرۆسا كۆرۆنا یا نوو (كۆڤید-19) بووینه‌ و ب ڤێ چه‌ندێ هه‌ژمارا تووشبوویان ژ 13000 كه‌سان ده‌رباز بوو.

وه‌زاره‌تا ساخله‌مییا ئیرانێ هه‌روه‌ها دا زانین، هه‌ژمارا وان كه‌سێن هه‌تا نها ب ئه‌گه‌را ڤایرۆسا كۆرۆنایێ گیانێ خۆ ژ ده‌ست داین گه‌هشتییه‌ 724 كه‌سان.

كۆمارا ئیسلامییا ئیرانێ نها وه‌لاتێ سێیه‌مه‌ ب هه‌ژمارا تووشبوویان پاش هه‌ر یه‌ك ژ وه‌لاتێ چینێ و ئیتالیا، رێكارێن حكوومه‌تا وی وه‌لاتی یێن ده‌ستپێكێ كو گه‌هشتنا ڤێ ڤایرۆسێ ل گه‌لێ خوه‌ ڤه‌شارتبوو ئه‌گه‌را سه‌ره‌كی یا زوو به‌لاڤبوونا وێ بوو ل ته‌ڤاهییا باژاران.

ئه‌ڤرۆ حه‌سه‌ن رۆحانی سه‌رۆكێ ئیرانێ دان پێدان كر كو د به‌رهنگاربوونا ڤێ ڤایرۆسێ دا، سازیێن ساخله‌مییا ئیرانێ دێ ئێفلێنجی بن.

پوستێن ھەمان بەش