سازیا ئەوقافا ئیسلامی ل باژارێ “بیت المقدس” رۆژا یەکشەمی 15/3/2020ان راگهاندن ژ بەر بەلاڤبوونا ڤیرۆسا کۆرۆنا، هنەک پێرابوونێن پێش وەخت ژ بۆ هاتن و چوونا مزگەفتا ئەقسا، یەکەمین قیبلەیا موسلمانان، و خوە پاراستن ژ ڤیرۆسا کۆرۆنایێ هاتین ئەنجامدان، و ئەنجامدایینا نمێژا ب کۆم د ڤێ مزگەفتێ دە هەیا ئگاهدارکرنەک دن تێ تەعتیل کرن.
عمر ئەلکسوانی، رێڤەبەرێ مزگەفتا ئەقسا ب بەلاڤکرنا، بەیانەکێ راگهاند کو رێڤەبەریا ئەوقافا ئیسلامی د جارچۆڤەیا تەدبیرێن پێش وەخت ژ بۆ خوە پاراستن ژ ڤیرۆسا کۆرۆنا بریار دایە ئەنجامدانا هەموو نمێژان ل هەموو مزگەفتێن سەر ب ڤێ مزگەفتێ ڤە هەیا ئاگەهدارکرنەکە دن تەتیل بکە.
ئەلکسوانی هەروەها راگهاند کو هەموو دەریێن مزگەفتێ وێ ڤەکری بن و ب تەنێ د ناڤا هەوشا مزگەفتێ دە وێ نمێژ وەرە کرن.
وەزارەتا ئەوقاف و کارێن دینی ل فەلەستینێ دوهی رۆژا شەمی ب دەرکرنا بەیانەکێ ژ هەموو نمێژکەران خوەست ل گۆرەی شیرەتێن پزیشکان و وەزارەتا ساخلەمیێ، نمیژا خوە ل مالێ بکن و هەیا ئاگەهدارکرنەکە دن خوە ژ چوونە مزگەفت و کەنیسەیان بپارێزن.
