«كوردستان داخوازا قه‌ره‌بوویێ ژ ده‌وله‌تا ئیراقێ دكه‌»

«كوردستان داخوازا قه‌ره‌بوویێ ژ ده‌وله‌تا ئیراقێ دكه‌»

سه‌رۆكێ پارتییا ده‌مۆكرات یا كوردستانێ و رێبه‌رێ ملله‌تێ كورد ئیرۆ د سالڤه‌گه‌را كێمیابارانا هه‌له‌بجه‌ دا په‌یامه‌ك به‌لاڤ كر و تێده‌ ئه‌ڤ تاوان ب پیلان ژ بۆ نه‌هشتنا گه‌لێ كوردستانێ ب ناڤ كر.

ل سالڤەگەرا رۆژا کێمیاباران کرنا ھەلەبجە یا شەھید، سەرۆک مەسعوود بارزانی ل سەر حه‌سابا خوه‌ یا تایبەت ل تویتەرێ پەیامەک بەلاڤ کر کو ئەڤێ ل خوارێ ژی ناڤەرۆکا وێ یە:

«کێمیاباران کرنا ھەلەبجە بەردەوامیا وان زنجیرە تاوان و کارەساتان بوو کو دوژمن ژ بۆ چەوساندن و نەھشتنێ د دەربارێ گەلێ کوردستانێ ئەنجام دا، ب سەدەما قوربانیدان و مەزلوومیەتا ھەلەبجە یا شەھید، جیھان زێدەتر ئێش و ژانێن گەلێ کوردستانێ تێگھیشت».

«کێمیاباران کرنا ھەلەبجە برینەکی کوورە، ل سەر لاش و جەستەیێ گەلێ کوردستانێ و تو جاری نایێ ژبیر کرن، مافێ گەلێ کوردستانێ یە داخوازا قەرەبوویێ ژ دەولەتا ئیراقێ بکە، پێویستە ژی ئێدی ھکوومەتا ئیراقێ ڤێ یەکێ پشتگوھ نەخە و قەرەبوویا کێمیا باران و ئەنفالکرییان بکە».

نەمری و سەربلندی ژ بۆ شەھیدێن ھەلەبجە و ھەموو شەھیدێن رێیا ئازادیێ.