وه‌زاره‌تا ده‌رڤه یا چینێ ئیرۆ راگهاند كو ترسا وان ئێدی ته‌نێ ژ وان حاله‌تێن كۆرۆنایێ یه كو ل ده‌رڤه‌ی ولاتی تێن.
كه‌نالێ فه‌رمی یێ چینێ ئیرۆ رۆژا دوشه‌می 16/3/2020ێ ئه‌شكه‌ره كر، تووشبوویێن ڤایرۆسا كۆرۆنا یا نوو (كۆڤید-19) كو ل ده‌رڤه ولاتی تێن، ئێدی ترسا وان یا سه‌ره‌كه‌یه.
هه‌روه‌ها ده‌ست نیشان كر، ل ده‌ما چه‌ند ده‌مژمێرێن رابووری 6 تووشبوویێن كۆرۆنایێ ل ده‌رڤه هاتنه ناڤا چینێ، 4 ژ ئسپانیا و 2 ژ به‌ریتانیایێ.
ل گۆر رایه‌دارێن ته‌ندروستییا چینێ، رێكارێن وان یێن كه‌ره‌نتین كرنێ ل سه‌ر كه‌سێن چینی و نه چینی تێن مه‌شاندن.
ده‌وله‌تا چینێ ل رۆژێن رابووری كۆنترۆل كرنا زێده‌تر به‌ربه‌لاڤبوونا ڤایرۆسا كۆرۆنایێ راگهاند و ئه‌شكه‌ره كر، ئێدی هه‌ژمارێن هه‌ر كێم یێن تووشبوویان ب همبه‌ر كرن ل گه‌ل رۆژێن ده‌ستپێكا ئه‌شكه‌ره بوونا ڤایرۆسی تێن تۆمار كرن.
ل گۆر داوی ئامارێن رێخستنا ساخله‌مییا جیهانی هه‌تا نها، 169 هه‌زار و 387 كه‌س ل سه‌رانسه‌ری جیهانێ تووشی ڤایرۆسا كۆرۆنایێ بوونه، 81 هه‌زار كه‌س ل چینێ نه، ه‌روه‌ها 6 هه‌زار و 513 كه‌سان جانێ خوه ژ ده‌ست دایه.
