ته‌لاق ژبه‌ر كۆرۆنایێ زێده‌بوویه‌

ته‌لاق ژ به‌ر كۆرۆنایێ زێده‌بوویه‌

داتایێن چینێ ئه‌شكه‌ره‌ كرن كو حاله‌تێن جودابوونا خێزانێ پاش ده‌ركه‌تنا ڤایرۆسا كۆرۆنایێ به‌ر ب زێده‌بوونێ چوونه‌ و سه‌ده‌م ژ بۆ مانا ب زۆر یا ژن و مێران د مالێ دا ڤه‌دگه‌ره‌.

ل گۆر پێزانینێن ده‌سته‌یا ئۆفیسێن پێكئینانا خێزانێ ل چینێ، ل هه‌ژماره‌كا هه‌رێمێن چینێ، پاش ده‌ركه‌تنا ڤایرۆسا كۆرۆنایێ و رێنمایێن حكوومه‌تێ یێن قه‌ده‌غه‌یا ده‌ركه‌تنێ و كه‌رنتین كرنا ب زۆر یا ولاتییان د مالێن وان ده‌، داخوازی و سكالایێن جودابوونێ ب ئاوایه‌كی به‌رفره‌هتر ل رۆژێن رابووری گهیشتنه‌ وان.

ده‌ست نیشان كر، سه‌ده‌ما سه‌ره‌كه‌ یا ژێكڤه‌بوونێ ژ بۆ مانا ب زۆر یا ژن و مێران د مالێ ده‌ ڤه‌گه‌ره‌، هه‌روه‌ها وان نیقاشێن گه‌رم و گۆر ل نێڤبه‌را وان ده‌ تێن كرن، هه‌روه‌ها په‌ڤچوونێن ژن و مێران.

ل گۆر پێگه‌ها گلۆبال تایمز، زۆربوونا رێژه‌یا داخوازیێن جودابوونێ ل باژارێن «دازهۆ، شیان، فۆجیان» ل ئاستێن هه‌ری به‌رز بوون و ژ به‌ر ڤێ سه‌ده‌مێ حكوومه‌تێ بریار دایه‌ كو هه‌ر ئۆفیسه‌ك د رۆژێ دا هنه‌ك ژماره‌یێن ده‌ست نیشان كری یێن سكالایان برێڤه‌ ببه‌.