ئه‌مه‌ریكا دێ ئێریشا ئیراقێ كه‌ت هه‌گه‌ر!

 ئه‌مه‌ریكا دێ ئێریشا ئیراقێ كه‌ت

ویلایه‌تێن یه‌كبوویی یێن ئه‌مه‌ریكایێ ئیرۆ هۆشداریێن هه‌ری دژوار ل ئیراقێ كرن و راگهاند، ئه‌وێ به‌رسڤا هه‌ر ئێریشه‌كێ بدن هه‌گه‌ر ل سه‌ر پێگه‌هێن وان بێ كرن.

وه‌زاره‌تا كارێن ده‌رڤه‌ یا ئه‌مه‌ریكایێ، ئیرۆ رۆژا دوشه‌می 16/3/2020ێ د به‌یانه‌كێ ده‌ ئه‌شكه‌ره‌ كر كو مایك پۆمپیۆ د په‌یوه‌ندییه‌كه‌ تێله‌فوونی ده‌ ل گه‌ل ئادل ئه‌بدولمه‌هدی سه‌روه‌زیرێ ئیراقێ ئاخڤییه‌ و په‌یاما ئه‌مه‌ریكایێ ژێره‌ گۆتییه‌.

هه‌روه‌ها ده‌ست نیشان كر، پۆمپیۆ ب ئه‌بدولمه‌هدی گۆتییه‌: «ئه‌مه‌ریكا وێ ب دژواری به‌رسڤا هه‌ر ئێریشه‌كێ بده‌ هه‌گه‌ر ل سه‌ر پێگه‌هێن وان ئێن ل ئیراقێ بێ كرن».

وه‌زیرێ ئه‌مه‌ریكایێ ژ سه‌ر وه‌زیرێ ئیراقێ خوه‌ست هه‌ر زوو وان میلیشایان سزا بده‌ كو ژ ئێریشا سه‌ر بنگه‌ها تاجی یا هێزێن ئه‌مه‌ریكی و هه‌ڤپه‌یمانێتیا ناڤده‌وله‌تی به‌رپرسیار.

ل رۆژێن رابووری پێگه‌ها سه‌ربازی یا تاجی ل ئیراقێ راستی دو ئێریشێن مووشه‌كی بوو و تێده‌ 3 له‌شكرێن ئه‌مه‌ریكی و به‌ریتانی جانێ خوه‌ ژ ده‌ست دا، ل به‌رانبه‌ر وان ئێریشان ئه‌مه‌ریكایێ هه‌ژماره‌كه‌ پێگه‌هێن حه‌شدا شه‌ئبی ل ئیراقێ بۆردۆمان كرن.