سه‌رۆك كۆمارێ ئیراقا فه‌ده‌رال «ئیرۆ عه‌دنان زورفی» سه‌ركرده د هه‌ڤپه‌یمانییا نه‌سر دا ژ بۆ پێكئینانا حكوومه‌تا نوو یا ئیراقێ ئه‌ركدار كر.
د. به‌رهه‌م سالح، ئیرۆ رۆژا سێشه‌مبێ 17/3/2020ێ «عه‌دنان زورفی» سه‌ركرده د هه‌ڤپه‌یمانییا نه‌سر دا ئه‌وا حه‌یده‌ر عه‌بادی سه‌رۆكاتییا وێ دكه‌ت، ژ بۆ پێكئینانا حكوومه‌تا نوو یا ئیراقێ راسپارد و فه‌رمانا كۆماری ژ بۆ ئه‌ركدار كرنا وی ده‌ركر.
ل گۆر فه‌رمانا كۆماری، پێویسته عه‌دنان زورفی ژ ئیرۆ رۆژا سێشه‌مبێ و بۆ ده‌ما مه‌هه‌كێ كابینه‌یا نوو یا حكوومه‌تا ئیراقێ بده‌ته په‌رله‌مانی.
پاش ده‌ست ژ كار كێشانا «محه‌مه‌د ته‌وفیق عه‌لاوی» ژ ئه‌ركێ پێكئینانا حكوومه‌تێ، ئالیێن سیاسی یێن ئیراقێ ل سه‌ر چ كاندیدێن دی رێككنه‌كه‌فتبوون، له‌وما ئیرۆ د. به‌رهه‌م سالح، مافێن خوه یێن ده‌ستووری بكارئینان و زورفی ژ بۆ پێكئینانا حكوومه‌تێ ئه‌ركدار كر.
پرسا پشتگوهئێخستنا مافێن ده‌ستووری یێن هه‌رێما باشوورێ كوردستانێ ژ ئالیێ عه‌لاوی ڤه و ده‌ست نیشان كرنا وه‌زیران بێی راوێژا ل گه‌ل سه‌ركرداتییا كوردستانێ، سه‌ده‌ما سه‌ره‌كی یا لادانا وی بوو كو ئالیێن كوردستانی هه‌موو ل سه‌ر ڤێ پرسێ یه‌ك ده‌نگ بوون.
