21 حاله‌تێن نوو یێن تووشبوونێ ب ڤایرۆسا كۆرۆنا یا نوو كۆڤید-19 ل ئیراقێ ئاشكرا بوون و كه‌سه‌ك دن ژی گیانێ خوه ژ ده‌ست دا.
وه‌زاره‌تا ساخله‌مییا ئیراقێ ئه‌ڤرۆ د به‌یانه‌كا فه‌رمی دا راگه‌هاند، 21 حاله‌تێن نوو یێن تووشبوونێ ب ڤایرۆسا كۆرۆنا یا نوو كۆڤید-19 ل ئیراقێ ئاشكرا بوون، 15 ژ وان ل ره‌سافه، 2 به‌غدا، 1 به‌سرا و 3 ل كه‌ربه‌لا.
وه‌زاره‌تا ساخله‌میێ هه‌روه‌ها ده‌ست نیشان كر، حاله‌ته‌كا دی یا گیان ژ ده‌ست دانێ ب ڤایرۆسا كۆرۆنایێ ل پارێزگه‌ها واست هاته تۆمار كرن.
ب ڤێ چه‌ندێ هه‌ژمارا تووشبوویان ل ئیراقێ گه‌هشته 154 حاله‌تان، 41 حاله‌ت چاره‌سه‌ر بووینه، 11 كه‌سان ژی گیانێ خوه ژ ده‌ست دایه.
