كۆرۆنا ل هه‌ر 50 ویلایه‌تێن ئه‌مه‌ریكایێ به‌لاڤبوویه‌

كۆرۆنا ل هه‌ر 50 ویلایه‌تێن ئه‌مه‌ریكایێ به‌لاڤبوویه‌

پاش تۆمار كرنا یه‌كه‌م حاله‌تا تووشبوونێ ب ڤایرۆسا كۆرۆنا یا نوو (كۆڤید-19) ل ویلایه‌تا ڤێرجینیا یا رۆژئاڤایێ ئه‌مه‌ریكایێ، ئه‌ڤ ڤایرۆس نها گهایه‌ هه‌ر 50 ویلایه‌تان.

ل گۆر پێزانینێن ناڤه‌ندا جۆنس هۆپكێسن یا لێكۆلینان ل ده‌ربارا ڤایرۆسا كۆرۆنایێ، هه‌یا نها 5 هه‌زار و 894 حاله‌تێن تووشبوونێ ب ڤایرۆسا كۆرۆنا یا نوو (كۆڤید-19) ل ئه‌مه‌ریكایێ هاتنه‌ ته‌سبیت كرن، 108 كه‌سان ژی جانێ خوه‌ ووندا كرییه‌.

پاش كو یه‌كه‌م حاله‌تا تووشبوونێ ل ویلایه‌تا ڤێرجینیا یا رۆژئاڤا ئه‌مه‌ریكایێ هاتییه‌ تۆمار كرن، نها ئه‌ڤ ڤایرۆسا كۆشنده‌ گهایه‌ 50 ویلایه‌تێن ئه‌مه‌ریكایێ.

د چارچووڤه‌یا رێكارێن حكوومه‌تا ئه‌مه‌ریكایێ دا ژ بۆ رێگرتنێ ل به‌لاڤبوونا ڤایرۆسێ، سه‌رۆكێ شاره‌دارییا نیۆیۆركێ بێل دێبلاسیۆ 48 ده‌مژمێران قه‌ده‌غه‌یا ده‌ركه‌تنێ راگهاند.

بیل دێبلاسیۆ د كۆنگره‌یه‌كێ رۆژنامه‌ڤانی دا دیاركر، هه‌تا نها پێتری 800 كه‌سان ل نیۆیۆركێ تووشی ڤایرۆسا كۆرۆنایێ بوونه‌، له‌وما وان ژ خه‌لكێ خوه‌ستییه‌ د مالێن خوه‌ دا بمینن.