محه‌مه‌د جەواد مورادیانێ سەرۆکێ ناڤەندا رەوشا ئاواره‌ته ل ئيرانێ:
“مخابن ژ بەر گۆتەگۆتێن ل سەر سۆشیال مه‌دیایێ یێ كو دبێژن مه‌ی ڤیروسا کۆرۆنایێ کۆنترۆل دکەت ئەڤ ھات سەرێ مە”
ل ئیرانێ ژ ٦ێ ئادارا ئه‌ڤساله ھەژمارا کەسێن ژ بەر مه‌یا سەختە جانێ خوه ژ ده‌ست داین، گه‌هشت 180 كه‌سان.
محه‌مه‌د جەواد مورادیانێ سەرۆکێ ناڤەندا رەوشا ئاوارته ل ئیرانێ داخویانی دا ئاژانسا ئێسنا و دیار کر کو ژ 6ێ ئادارێ و هه‌تا نها 427 کەس ژ بەر مه‌یا سەختە ژەھراوی کەتن و سه‌ره‌دانا نه‌خۆشخانه‌یان كرینه.
مورادیان دیار کر کو ھەتا نھا 180 کەس ژ بەر مه‌یا سەختە مرن، 14 کەس ژ وان ل بەشێن نەخوەشیا گران تێن دەرمان کرن.
مورادیان وه‌ھا ئاخڤی: «مخابن ژ بەر گۆتەگۆتێن ل سەر سۆشیال مه‌دیایێ دبێژن مه‌ی ڤایروسا کۆرۆنایێ کۆنترۆل دکەت ئەڤ ھات سەرێ مە«.
ل گۆر ئاگاھییان ل تەڤاھیا ئیرانێ ھەژمارا کەسێن ژ بەر مه‌یا سەختە مرن بوونه 180 كه‌س، ژ کەسێن ل نەخوەشخانەیان ھاتینه دەرمان کرن، 51 کەس ل ھوزستانێ، 19 کەس ل ئەردەبیلێ، 15 کەس ل ئەلبروزێ، 12 کەس ل مازەندەرانێ، 7 کەس ل ئیسفەھانێ، 6 کەس ل کوردستانێ، 4 کەس ل ھەمەدانێ، کەسەکێ ل ھورمزگانێ مرن.
عەلی بەیرانڤەندێ وەکیلێ سەردۆزگەرێ ئەھوازێ دیار کر بوو کو د لێپرسینا ل سەر مه‌یا سەختە دا 17 کەس ھاتن بنچاڤ کرن.
