ل ئیرانێ د 24 ده‌ژمێرێن داویێ دا 149 کەسێن دی ژی ژ بەر ڤایرۆسا کۆرۆنا یا نوو (کۆڤید-19) مرن و ژمارا مریان گه‌هشت 1284 كه‌سان.
ل گۆر نووچه‌یێ تەلەڤزیۆنا دەولەتێ یا ئیرانێ، کیانوش جیھانپوورێ بەرپرسیارێ تێکلیێن وەزارەتا تەندورستیێ دیار کر کو د 24 ده‌مژمێرێن بووری دا 149 کەسێن دی ژی ژ بەر کۆڤید-19ێ مرن.
جیھانپوور دەست نیشان کر کو ھەژمارا مریان گه‌هشته 1284 كه‌سان، ھەژمارا تووشبوویان ب 1046 كه‌یسان زێدە بوو و گه‌هشته 18 ھەزار و 407 کەسان.
جیھانپوور گۆت کو 5 ھەزار و 979 کەس ژی پشتی دەرمان کرنێ چاره‌سه‌ر بوون و چوون مالێن خوە.
پشتی چین و ئیتالیایێ ھەری زێدە مرۆڤ ل ئیرانێ مرن، ڤایرۆس جارا ئەول د 19ێ سباتێ دا ل وه‌لاتێ ئیرانێ ھاتبوو تەسبیت کرن و پاش ل ته‌ڤاهیا وەلات بەلاڤ ببوو.
