ل ٣ ویلایەتێن ئەمەریکایێ ٧٠ ملیۆن کەس تێن قەرەنتینەکرن

ل ٣ ویلایەتێن ئەمەریکایێ ٧٠ ملیۆن کەس تێن ئیزۆلەکرن

هەڤدەم د گەل بەلاڤبوونا پتر یا ڤیرۆسا کۆرۆنایێ ل ئەورۆپا و ویلایەتێن یەکبوویی، سێ ویلایەتێن ئامەریکایێ ژ ٢١/٣/٢٠٢٠ان هاتن قەرەنتینەکرن و قەدەغەیا چوون و هاتنێ لسەر وان هات سەپاندن.

ئەڤ یەک د دەمەکەێ دایە کو تۆفانا کۆرۆنایێ ل ولاتێن ئەورۆپایێ ب شێوەیەکە هەری لەزگین بەلاڤبوو و هەژمارەک هەری زێدە ژ ولاتیێن ولاتێن ئەورۆپایێ جانێ خوە ژ دەست دا و تووشی ڤی ڤیرۆسێ بوون ب تایبەتی ل ئیتالیا و ئیسپانیایێ.

ل ئامەریکایێ پشتی کو ویلایەتا کالیفۆرنیا رۆژا ئەینی هات ئیزۆلەکرن و هاتن و چوون ل وێ دەرێ هات قەدەغەکرن، نها ویلایەتێن نیۆیۆرک و ئالینۆ ژی هاتن قەرەنتینەکرن.

ب ڤێ یەکێ هەژمارا ٧٠ ملیۆن کەسان ل ڤان ویلایەتێن ئامەریکایێ هاتن قەرەنتینەکرن.

ژ بلی ڤان، ویلایەتێن کنتیک و ئۆرگن ل رۆژهلات و رۆژئاڤایا ئامەریکایێ ژی خوە ژ بوو وەرگرتنا تەدبیرێن ب ڤی ئاوایی ئامادە دکن.