ل گۆرەی داوی داتایێن دەستەیا هکوومەتێ بۆ کارۆبارێن تەندروستی ل چینێ 90% ژ هه‌ژمارا تووشبوویێن ڤیرۆسا کۆرۆنایێ نها چارەسەر بوونە و ب تەنێ نها 5120 تووشبوو ل ناڤا نەخوەشخانەیان مانە ژ بۆ وەرگرتنا چارەسەرییان.
دەستەیا ناڤبووری راگهاند، رۆژانە هه‌ژمارا تووشبوویێن کۆرۆنایێ کێم دبن، ئاماژە ب ڤێ یەکێ ژی دا کو ژ سەرجەما 81093 کەسێن ب ڤێ ڤیرۆسێ کەتی، 72702 کەس تەداوی بوونە و نەخوەشخانە بجی هشتینە.
ڤێ دەستەیی هەروەها زەلال کر، بێ هه‌ژمارتنا هه‌ژمارا کەسێن ل هه‌رێما هۆبی ب ڤیرۆسا کۆرۆنایێ کەتی، 13293 کەس تووشی ڤیرۆسا کۆرۆنایێ ببوون ل ناڤچەیێن دن ئێن وەلاتێ چینێ، و ب تەنێ 117 کەس ژ وێ هه‌ژمارێ مرینە ئەڤ یەک ژی یانی ل دەرڤەی باژارێ ووهانێ رێژەیا مرنێ ب کۆرۆنایێ ب تەنێ 0.88% بوویە.
ل هه‌رێما هۆبی کو ب سەرۆکانیا بەلاڤبوونا ڤیرۆسا کۆرۆنا تێ ناسین 67800 کەس تووشی ڤێ ڤیرۆسێ بوونە و ژ وێ ژمارێ 3153 کەس مرینە، یانی رێژەیا مرنێ ل ڤێ ویلایەتێ 4.65% بوویە.
