ئاگربه‌ستا جیهانی ژبه‌ر نه‌خۆشیێ

نه‌ته‌وه‌یێن یه‌كبوویی داخوازا ئاگربه‌سته‌كا جیهانی دكه‌ت

سكرتێرێ گشتی یێ نه‌ته‌وه‌یێن یه‌كبوویی، ئه‌ڤرۆ داخواز ژ هێزێن شه‌رێ هه‌ڤ ل جیهانێ دكه‌ن، ژ بۆ رێگریكرنێ ل به‌لاڤبوونا ڤایرۆسا (كۆڤید-19)ێ، ئاگربه‌ستا ناڤده‌وله‌تی رابگه‌هینن.

ئه‌نتۆنیۆ گۆتیرێس ئه‌ڤرۆ رۆژا سێشه‌مبێ 24/3/2020ێ د كۆنگره‌یه‌كێ رۆژنامه‌ڤانی دا په‌یامه‌ك ئاراسته‌ی وه‌لاتێن جیهانێ كر و تێدا داخواز كر هێزێن نها شه‌رێ هه‌ڤ دكه‌ن ئاگربه‌ستێ رابگه‌هینن، ژ به‌ر كو ب ئه‌گه‌را شه‌ری سیسته‌مێن ته‌ندروستیێ راستی وێرانبوونێ بوونه‌.

هه‌روه‌ها ده‌ست نیشان كر، هه‌ر چه‌ند كو ڤایرۆسا كۆرۆنایێ د به‌لاڤبوونێ دا یه‌، لێ به‌لێ هه‌ژماره‌كا هه‌ری زێده‌ یا خه‌لكی ل وه‌لاتێن شه‌ر تێدا نه‌چار مانه‌ مالێن خوه‌ بهێلن و خه‌ته‌را تووشبوونێ و زوو به‌لاڤبوونێ ل جه‌م وان هه‌یه‌.

سكرتێرێ گشتی یێ نه‌ته‌وه‌یێن یه‌كبوویی داخوازا راگرتنا جه‌نگێ و راگه‌هاندنا ئاگربه‌ستا ناڤده‌وله‌تی كر ژ بۆ كو رێگری ل به‌لاڤبوونا ڤایرۆسێ بهێته‌ گرتن و رێ ژ بۆ هاریكاریێن مرۆڤی ژ بۆ لێقه‌ومایان بهێته‌ خۆش كرن.