هەسەدە داخوازا ئاگربەستێ دکە

هەسەدە داخوازا ئاگربەسێ دکە

فەرماندارێ گشتی یێ هێزێن سووریا یا دەمۆکراتیک (هەسەدە) داخوازا ئاگربەستا مرۆڤی دکە ژ بۆ رێگری کرن ژ ڤیرۆسا کۆرۆنا و دبێژە، ت کریارەکە سەربازی ئەنجام نادن.

فەرماندارێ گشتی یێ هێزێن سووریا یا دەمۆکراتیک د بەیانەکێ دە دبێژە، د بن خەتەرەیا بەردەوام بوونا پەژیکا کۆرۆنا ل هەموو جیهانێ و وەکە بەرسڤەک ژ بۆ داخوازیا ئەنتۆنیۆ گۆتیرێز، سەکرەتەرێ گشتی یێ نەتەوەیێن یەک بوویی، رادگهینین کو ئەم پابەندین ب هەولێن جیهانی ژ بۆ بەرهنگاربوونا ڤێ ڤیرۆسێ.

فەرماندارێ گشتی یێ هێزێن سووریا یا دەمۆکراتیک تەکەز ل سەر ڤێ یەکێ ژی کر کو، ژبەر ژناڤچوون و لاواز بوونا کەرتێ ساخلەمیێ ب سەدەما شەرێ، رەوشا سووریێ تەحەموولا ئێریشەکە دن ناگرە، هەر شەرەکە دن وێ ببە سەدەم کو پێلەکا دن ئا ئاوارە بوونا خەلکێ ل دۆڤ خوە بینە کو ئەڤ یەک ژی وێ ببە سەدەما کێنجەکە خراب ل سەر ستراکچەرێ تەندروستیا مایی، هەروەها وێ ببە سەدەما ب لەزگینی بەلاڤ بوونا ڤێ ڤیرۆسێ و مرنا زێدەتر ئا خەلکێ.

 هەسەدە داخوێ ل هەموو ئالیێن هەڤدژ د ناڤا سووریێ دا دکە، ت کریارەکا سەربازی ئەنجام نەدن و دەم ل دەست پابەندی ئاگربەستا مرۆڤی بن و رادگهینین کو هێزێن مە پابەندن ب رەوشا بەرەڤانی کرن ژ خوە و خوە دوویر کرن ژ هەر جۆرە کریارەک سەربازی.

 فەرمانداریا گشتی یا هەسەدێ هێڤی خازە کو ئەڤ کارە ببە ئەگەرا ئارامکرنا رەوشا مرۆڤی، ڤەکرنا دەرگەهێ دانوستاندنێ، چارەسەریا سیاسی و دوماهی ئانین ب رەوشا شەر ل جیهانێ و سووریایێ.

هەڤ دەم هەسەدە ل هەموو ناڤچەیێن ل بن کۆنترۆلا خوە هێسانکاریێن تەمام دکە ژ بۆ گهیشتنا کارمەندێن کەرتێ  تەندروستیا ناڤخوە و ناڤدەولەتی.