ئیران ژ پێله‌كا دژوارتر یا به‌لاڤبوونێ د ترسیت

ئیران ژ پێله‌كا دژوارتر یا به‌لاڤبوونێ د ترسیت

كۆمارا ئیسلامییا ئیرانێ ئیرۆ راگهاند، ئه‌وان ترس ژ پێله‌كه‌ دژوارتر یا به‌لاڤبوونا ڤایرۆسا كۆڤید-19ێ هه‌یه‌.

عه‌لی ره‌بیعی به‌رده‌ڤكێ حكوومه‌تا ئیرانێ ئیرۆ رۆژا چارشه‌مبێ 25/3/2020ێ ئه‌شكه‌ره‌ كر، ئیران د قۆناغه‌كه‌ هه‌ری سه‌خت و دژوار ده‌ ده‌رباس دبیت، ژ به‌ر كو ڤایرۆسا كۆرۆنا ب ئاوایه‌كی به‌رفره‌هـ به‌لاڤه‌بوویه‌.

هه‌روه‌ها ده‌ست نیشان كر، ئه‌وان ترس هه‌یه‌ كو پێلا دوێ یا به‌لاڤبوونا ڤایرۆسێ ل سه‌رانسه‌ری ئیرانێ ده‌ست پێ بكه‌ت كو دێ گه‌له‌ك ژ پێلا یه‌كه‌م دژوارتر بیت و سه‌ده‌م ژ بۆ پابه‌ندنه‌بوونا گه‌لێ ئیرانێ ب رێنمایێن ته‌ندروستیێ ڤه‌گه‌راندن.

ل گۆر داتایێن فه‌رمی، هه‌ژمارا تووشبوویێن كۆرۆنایێ ل ئیرانێ گه‌هشتییه‌ 27 هه‌زار و 17 كه‌سان، 2 هه‌زار و 77 كه‌س پێ مرینه‌ و ته‌نێ د 24 ده‌مژمێرێن رابووری دا، 2 هه‌زار و 206 كه‌یسێن نوو ئه‌شكه‌ره‌ بووینه‌.