پارلمه‌نا كۆسۆڤۆ ئیرۆ ده‌نگ ل سه‌ر وه‌گرتنا باوه‌ریێ ژ ئالبین كۆرتی سه‌رۆكێ وه‌زیران دا، ب سه‌ده‌ما ئیداره‌یا خرابا حكوومه‌تا وی ل گه‌ل ڤایرۆسا كۆرۆنایێ.

پارلمه‌نا كۆسۆڤۆ ئیرۆ رۆژا پێنجشه‌می 26/3/2020ێ ژ كار لادانا ئالبین كورتی سه‌رۆكێ وه‌زیران و حكوومه‌تا وی په‌ژراند، وه‌ختا كو 80 پارلمه‌نته‌ران ده‌نگ ل سه‌ر وه‌رگرتنا باوه‌ریێ ژێ دای.

سه‌ده‌ما سه‌ره‌كی یا لادانا سه‌رۆكێ وه‌زیران و حكوومه‌تا وی ژ بۆ پلانا خراب یا ئیداره‌كرنا قه‌یرانا به‌لاڤبوونا ڤایرۆسا كۆرۆنا یا نوو ل وه‌لاتێ كۆسۆڤۆیێ.

پاش ده‌نگدانا پارلمه‌نا كۆسۆڤۆ، سه‌رۆكوه‌زیرێ ژ كار لادای داخوه‌یانی دا و وها گۆت: «مه‌به‌ستا پارلمه‌نێ ئه‌وه‌ كۆسۆڤۆ د ڤێ كریزێ دا بێ حكوومه‌ت بمینیت».

ل گۆر داتایێن ساخله‌مییا جیهانی هه‌تا نها 71 كه‌س ل كۆسۆڤۆ تووشی ڤایرۆسا كۆرۆنایێ بوونه‌، ژ وان یه‌ك كه‌یسا مرنێ هه‌یه‌.