نووچه‌یه‌كێ خۆش ژ بۆ دانعه‌مران

نووچه‌یه‌كێ خۆش ژبۆ دانعه‌مران

ل باژارێ قومێ یێ باكورێ ئیرانێ، تووشبوویه‌كا ڤایرۆسا كۆرۆنا یا ته‌مه‌ن 91 سال، پاش كو چاره‌سه‌ری وه‌رگرتی، ئه‌و ساخبوویه‌ و ڤه‌گه‌رییه‌ مالا خوه‌.

ل گۆر نووچه‌یه‌كا تێله‌فزیوونا فه‌رمی یا ئیرانێ كو ئیرۆ رۆژا پێنجشه‌می 26/3/2020ێ وه‌شاندییه‌، ژنه‌كا دانعه‌مر كو ته‌مه‌نا وێ 91 سالن و ئاكنجییا باژارێ قومێ یێ باكورێ ئیرانێ یه‌، به‌را 11 رۆژان تووشی ڤایرۆسا كۆرۆنا یا نوو (كۆڤید-19) ببوو، پاش وه‌رگرتنا چاره‌سه‌ریێ ئه‌و ساخ بوویه‌ و ڤه‌گه‌رییه‌ مالا خوه‌.

ل 19 شوباتا رابووری یه‌كه‌م حاله‌تا تووشبوونێ ب ڤایرۆسا (كۆڤید-19)ێ ل ئیرانێ ل باژارێ قومێ هات ده‌ست نیشان كرن، پشتره‌ هه‌ر زوو ل ته‌ڤاهییا پارێزگه‌هان و رۆژهلاتا كوردستانێ به‌لاڤه‌بوو.

نها و ل گۆر داتایێن ئیرانێ، هه‌ژمارا كه‌سێن كو ب ڤایرۆسا كۆرۆنایێ جانێ خوه‌ ژ ده‌ست دانه‌ ژ 2 هه‌زار كه‌سان ده‌رباس بوویه‌، 30 كه‌یسێن تووشبوونێ هه‌نه‌.

هه‌ر ژ ده‌ركه‌تنا ڤایرۆسا كۆرۆنا یا نوو كو پاش ب (كۆڤید-19) هات ب ناڤ كرن، ته‌ندروستییا جیهانی ئه‌شكه‌ره‌ كر كو مرۆڤێن دانعه‌مر و به‌رگرییا لاشێ وان لاواز پێتر خه‌ته‌ر ل سه‌ر ژیانا وان هه‌یه‌.