حكوومه‌تا هه‌رێما باشوورێ كوردستانێ لینكه‌كێ تایبه‌ت ب داتایێن ڤایرۆسا كۆرۆنا یا نوو (كۆڤید-19) به‌رده‌ست كر و هه‌ر پێزانینه‌كا ل ده‌ربارا ڤێ نه‌خوه‌شیێ ل هه‌رێما باشوور خستینه تێدا.
پێگه‌ها فه‌رمی یا حكوومه‌تا باشوورێ كوردستانێ، لینكه‌كێ تایبه‌ت ب داتایێن ڤایرۆسا كۆرۆنا یا نوو (كۆڤید-19) و به‌لاڤه‌بوونا ڤێ ڤایرۆسێ ل هه‌رێما باشوور به‌رده‌ست كر، ژ بۆ كو پێزانینێن شاش نه‌گه‌هن وه‌لاتییان و هه‌ر تشته‌كێ گرێدای ڤێ نه‌خوه‌شیێ و به‌لاڤبوونا وێ ل هه‌رێما كوردستانێ تێدا هاتییه دانان.
ل گۆر داتایێن ئه‌ڤی لینكی، هه‌یا نها 122 كه‌س تووشی كۆرۆنایێ بوونه، 69 كه‌س چاره‌سه‌ر بوونه و ڤه‌گه‌رینه مالێن خوه و هه‌روه‌ها ته‌نێ 2 كه‌یسێن مرنێ هه‌نه.
حكوومه‌تا باشوورێ كوردستانێ ده‌ست نیشان كرییه كو چاڤكانییا سه‌ره‌كه یا پێزانینان ته‌نێ وه‌زاره‌تا ته‌ندروستیێ یه، داتایێن ئالیێن دن ل جه‌م وان جهێ شك و گومانێ نه.
