کۆچکا سپی راگهاند دۆنالد ترامپ سەرۆکێ ویلایەتێن یەکبوویی یێن ئامەریکایێ رۆژا شەمی ٢٨/٣/٢٠٢٠ان ئیمزا ل سەر فەرمانەکێ کریە کو دەستیریێ ب وەزارەتا ناڤخوە و بەرەڤانیا ئامەریکایێ ددە د چارچۆڤێ بەرهنگاربوونا بەلاڤبوونا ڤیرۆسا کۆرۆنا ل ئامەریکایێ لەشکەرێن یەدەک د ئارتێش و هێزێن بەراڤی یێن ئامەریکایێ دە بکار بینە.
ل گۆرەی راپۆرا پێگەها رۆیتەرزێ دۆنالد ترامپ شەڤا ئەینی د کۆنفەرانسەک رۆژنامەڤانی دە ل کۆچکا سپی ڤەخواندنا هێزێن یەدەک یێن ئارتەشا ئامەریکا ژ بۆ بەرهنگاربوون و رێگری کرن ژ پێتر بەلاڤ بوونا ڤیرۆسا کۆرۆنا راگهاند.
ترامپ د ڤێ کۆنفەرانسێ دە هەر وەها باس ل هەمهەنگیا د ناڤبەرا هکوومەتا ئامەریکایێ دگەل کەرتێ تایبەت یێ ڤی ولاتی ژ بۆ بەرهنگاربوونا ڤیرۆسا کۆرۆنا خەبەر دا.
ترامپ تەکەز کر کو هکوومەتا وی دێ هەموو شیانێن خوە بکار بینە ژ بۆ بەرهنگاربوونا کریزا ڤیرۆسا کۆرۆنا.
ل گۆرەی ڤێ فەرمانێ دۆنالد ترامپ، دێ رێکێ ب هەر دو وەزیرێن بەرەڤانیێ و وەزیرێ ناڤخوە بدە تاکو فەرمانا ڤەخواندنا هەری کێم یەک ملیۆن لەشکەرێن یەدەک ژ هێزێن بەژایی، دەریایی، ئاسیمانی و هیزێن بەراڤی یێن ئارتەشا ئامەریکایێ ژ بۆ خزمەتکرنێ بۆ دەما دو سالان د هەر دەمەکێ دە بدە.
ئەڤ فەرمانا دۆنالد ترامپ هەڤدەمە د گەل دەنگ دان ل سەر تەرخان کرنا ٢.٢ تریلیۆن دۆلاران ژ ئالیێ جڤاتا نۆنەران، کۆنگرەیا ئامەریکایێ.
تێ زانین کو نها پێتری ژ ١٠٠ هەزار کەسان ل ئەمەریکایێ ب ڤیرۆسا کۆرۆنایێ کەتینە، و د ڤێ یەکێ دە ئامەریکا پێش هەموو ولاتێن جیهانێ کەتیە.
