ڤی كاله‌ مێری هێڤی ژ بۆ ئیتالیا چێكر

ڤایرۆسا كۆرۆنا یا نوو ب ئاوایه‌كی وها ل ئیتالیایێ به‌لاڤه‌بوویه‌ كو رۆژانه‌ ب سه‌دان كه‌یسێن مرنێ و تووشبوونێ تێن ته‌سبیت كرن، لێ به‌لێ ساخبوونا كاله‌مێره‌كێ ته‌مه‌ن 101 سال، هێڤی ژ بۆ گه‌لێ ئیتالیایێ چێكر.

مه‌دیایا ئیتالیایێ ئیرۆ رۆژا شه‌می 28/3/2020ێ، ساخبوونا كاله‌مێره‌كێ ته‌مه‌ن 101 سال ژ ڤایرۆسا كۆرۆنایێ راگهاند و ئه‌ڤ یه‌ك ب موعجیزه‌ ب ناڤ كرنه‌، هه‌موه‌خت ب ژێده‌را به‌خشینا هێڤیێ ژ بۆ گه‌لێ ئیتالیایێ ب تایبه‌ت كه‌سێن كو نها جه‌نگێ ل گه‌ل ڤێ نه‌خوه‌شیێ دكن.

جێهگرا والیێ باژارێ ریمنی یێ ئیتالیایێ ل ده‌ربارا ڤێ كه‌یسێ ژ بۆ مه‌دیایێ ئاخڤی، لێ به‌لێ ناڤێ وی كاله‌ مێری ئه‌شكه‌ره‌ نه‌كر و ته‌نێ گۆت: «مستر B كو ته‌مه‌ن 101 ساله‌ و ژ دایكبوویێ سالا 1919ێ یه‌، چاره‌سه‌ر بوو و ڤه‌گه‌ری مالا خوه‌، ئه‌ڤ یه‌ك دێ هێڤیه‌كێ ب گه‌لێ ئیتالیێ به‌خشیت».

تێ زانین سالا ژدایكبوونا «مستر B» كو ل سالا 1919ێ بوو، هه‌موه‌ختا به‌لاڤبوونا نه‌خوه‌شییا ب ناڤێ په‌رسیڤا ئێسپانی بوو كو ل وێ ده‌مێ وه‌كه‌ ژێده‌رێن دیرۆكی دبێژن ل ناڤبه‌را 30 هه‌یا 50 ملیۆن ئینسانان جانێ خوه‌ ب سه‌ده‌ما وێ ژ ده‌ست دابوو.