چاڤکانیێن فەرمی یێن ویلایەتێن یەکبوویی یێن ئامەریکایێ شەڤا شەمی ٢٨/٣/٢٠٢٠ان راگهاند، هژمارا کەسێن ب سەدەما ڤیروسا کورۆنا جانێ خوە ژ دەست دای هەیا نها گشیشتیە پێتری ٢ هەزار کەسان.
ل گۆرەی داوی ئامارێن ژ ئالیێ زانینگەها جان هاپکینز ل شەڤا دەرباس بوویی هاتیە راگهاندن، هژمارا کەسێن کو ب سەدەما ڤیروسا کۆرۆنایێ جانێ خوە ژ دەست دایە گهشتیە سەر ٢ هەزار کەسان و هژمارا کەسێن ب ڤێ ڤیرۆسێ کەتی ژی پێتری ١٢٠ هەزار کەسانە.
ویلایەتێن یەکبوویی یێن ئامەریکایێ د داوی ئامارێن فەرمی یێن هاتیە راگهاندن دە، مرنا ٢٢٠٠ کەسان و پێ کەتنا ١٢١.١١٧ کەسان ب ڤیرۆسا کۆرۆنا تەکەز کریە.
ب راگهاندنا ڤان ئاماران ژ کەسێن ب ڤیرۆسا کۆرۆنا کەتی هژمارا کەسێن ل ڤی ولاتی مری هەیا رۆژا چارشەمی یا هەفتەیا رابووری هەیا نها دو جار پێتر بوونە، لێ بەلێ سەرەرای ڤێ یەکێ هژمارا کەسێن ب ڤیرۆسا کۆرۆنا جانێ خوە ژ دەست ددن ل ئامەریکایێ بەرامبەر ولاتێن وەکە ئیتالیا کو پێتری ١٠ هەزار کەسن و ئیسپانیا کو نێزی ٦ هەزار کەسانە، پر کێمترە.
