شارەدارێ نیۆ یۆرک: پێداویستیێن پزیشکی بەر ب تونە بوونێ ڤە دچن

شارەدارێ نیۆ یۆرک: پێداویستیێن پزیشکی بەر ب تونە بوونێ ڤە دچن

شارەدارێ باژارێ نیۆ یۆرکێ ل ئامەریکایێ هشیارکرن دا و راگهاند کو پێداویستیێن پزیشکی یێن پێتڤی ژ بۆ بەرهنگاریا ڤیروسا کۆرۆنا وەکە ئامۆرێن هەناسەدانا دەستکرد ل ڤی باژاری هەفتەیەک دن وێ ب داوی بێن.

بیل دی بلازیۆ، شارەدارێ نیۆ یۆرک، ژ بۆ کانالێ سی ئێن ئێن راگهاند کو رەوشا ڤی باژاری وەکە رەوشا “دەما شەری” یە.

نیۆ یۆرک وەکە سەنتەرێ تووشبوون و بەلاڤبوونا ڤیروسا کۆرۆنا ل ئامەریکایێ لێهاتیە و هەیا رۆژا شەمی پێتر ژ ٥٢ هەزار کەسا ل ڤێ ویلایەتێ ب ڤیروسا کۆرۆنا کەتینە. ئەڤ هژمارە دبە یەک ل سەر سیێ یا هژمارا گشتی یا کەسێن ل ئامەریکایێ ب ڤێ ڤیرۆسێ کەتی.

پێش نها ئەندرۆ کۆمۆ فەرماندارێ نیۆ یۆرکێ راگهاندبوو کو د دەما سێ هەفتەیێن بهێت دە وێ هژمارا پێ کەتیێن کۆرۆنایێ ل ڤێ ویلایەتێ گهن ئاستا هەری ژۆر و هەروەها راگهاندبوو کو ڤێ ویلایەتێ پێویستی ب ٣٠ هەزار ئامۆرێن هەناسەدانا دەستکرد هەیە.

رۆژا شەمی دۆنالد ترامپ، سەرۆکێ ئامەریکایێ راگهاند کو رەوشا ئیزۆلەکرنێ ل ویلایەتا نیۆیۆرک وێ گوتۆبێژ بکن لێ بەلێ پشتی چەند دەمژمێران راگهاند کو دەستەیا بەرهنگاربوونا ڤیروسا کۆرۆنا ل کۆچکا سپی ب وی رە راگهاندیە کو پێتڤی نینە ئەڤ باژار بهێتە ئیزۆلە کرن.