ئامەریکایێ ئێریشا حۆسییان ل سەر سعوودیێ شەرمەزار کر

ئامەریکا ئێریشا مووشەکی یا حوسیا ل سەر سعوودیێ شەرمەزار کر

بالیۆزخانه‌یا ئامەریکایێ ل ریازا پایتەختا ئەرەبستانا سعوودیێ رۆژا یەکشەمی 29\3\2020ان ئێریشا مووشەکی یا گرۆپا حۆسیان ل سەر عەرەبستانا سعوودیێ ب توندی شەرمەزار کر.

ل گۆر راگهاندنا فەرمی یا ولاتێ سعوودیێ “جۆن ئەبی زەید” بالیۆزێ ئامەریکایێ ل پایتەختا ئەرەبستانێ رۆژا یەکشەمی د تویتەکێ دە راگهاند «نۆنەراتییا دیپلۆماسی یا ویلایەتێن یەکبوویی یێن ئامەریکایێ ل ریازێ، ئێریشا کو شەڤا رابووری ژ ئالیێ گرۆپا حۆسی ل سەر ئارمانجێن نە یێن لەشکری د ئەرەبستانا سعوودیێ دە هاتینه‌ كرن ب توندی شەرمەزار دکە».

ئەبی زید هەر وها راگهاند، «د دەمەکێ دە کو هەولدانێن جیهانی ژ بۆ بەرهنگاربوونا بەلاڤبوونا ڤیروسا کۆرۆنایێ و رزگارکرنا جانێ هه‌مولاتییان تێن کرن، حۆسیان ب ئێریشا ل سەر سڤیلێن بێ گونەهـ پێکۆلێن خوە ژ بۆ  پراکتیزە کرنا خواستەکێن سپایێ قودسێ یێ ئیرانێ زێدە کرینە».

ناڤبووری هەر وها راگهاند، «ژ بۆ بریندارێن ڤان ئێریشان داخوازا سەلامەتیا بلەز و تەمام دکین».

هێزێن هەڤپەیمانتێیا ئەرەبی ل دەمژمێرێن سەرێ سبێ یا رۆژا یەکشەمی ژ تەقاندن و دیتنا دو مووشەکێن بالستیک یێن کو ژ ئالیێ گرۆپا حۆسی ڤە هاتبوون ئاراستە کرن بۆ هەردو باژارێن “ریاز و جازان” خەبەر دا.

د ڤان ئێریشان دە دو کەس ب سڤکی بریندار ببوون.