سەفارەتا ئامەریکایێ ل تەهرانێ  دبە کارگەها بەرهەم ئانینا ماسکان

سەفارەتا ئامەریکایێ ل تەهرانێ  دبە کارگەها بەرهەم ئانینا ماسکان

هەڤدەم د گەل بەلاڤ بوونا ڤیرۆسا کۆرۆنا ل ئیرانێ، سەفارەتا بەرێ ئا ئامەریکایێ ل تەهرانێ، ژ ئالیێ هنەک بەسیجیان “هێزێن خوەبەخش” ب ناڤێ “هێزێن جیهادی” بوو جیهێ بەرهەمئانینا ماسک و ماددەیێن دەست شووشتنێ.

بەلاڤ بوونا ڤیرۆسا کۆرۆنا یەکەم جار ژ ئالیێ رایەدارێن ئیرانێ ڤە هات تەکزیب کرن لێ بەلێ ئەڤ یەک نها جارەکە دن بوویە دەلیڤە ژ بوو نیشاندانا کەرب و کینا “هێزێن بەسیج” ل دژی ئامەریکایێ. هنەک ژ خوەندکاران کو خوە وەکە “هێزێن جیهادی” ب ناڤ دکن، ئاڤاهیێ سەفارەتا بەرێ ئا ئامەریکای ل تەهرانێ کریە کارگەهەک ژ بۆ بەرهەمئانینا ماسک و ماددەیێن دەست پاکژ کرنێ.

کەنالێ خەبەر ئێ کۆمارا ئیسلامی یا ئیرانێ ژی ب دروستکرنا راپۆرەکێ ل سەر ڤێ یەکێ ل ژێر ناڤێ «بەرهەمئانینا ماسک و ماددەیێن دەست شووشتنێ د هێلینا سیخۆریێ دە»، ئیرۆ رۆژا دوشەمی ٣٠/٣/٢٠٢٠ان، دگەل وان کەسێن د ڤێ کارگەهێ دە کار دکن، هەڤدیتن ئەنجام داینە.

دەست ب سەر داگرتنا سەفارەتا ئامەریکایێ د وێژەیا سیاسی یا کۆمارا ئیسلامی یا ئیرانێ دە وەکە «دەست ب سەر داگرتنا هێلینا سیخۆریێ» تێ ناسین کو ئەڤ یەک ڤەدگەرە بوو دەما ٤٤٤ رۆژان ژ دوژمناتیا سیاسی-سەربازی دناڤبەرا ئیرانێ و ئامەریکایێ.

ل رۆژا ٤/١١/١٩٧٩ان ب ئێریشا هنەک ژ چالاکڤانێن خوەندکار یێن بەرنیاس ب «خوەندکارێن رێبازا ئیمام» بوو سەر سەفارەتا ئامەریکایێ ل ئیرانێ، ئەڤ کریزە هات دەست پێکرن و ب دیل گرتنا دیپلۆماتکارێن ئامەریکایی بوو یەک ژ کریزێن ناڤدەولەتی. یەکەمین دوورپێچێن ئابووری یێن ئامەریکایێ ژی ل دژی ئیرانێ پشتی ڤێ کریزێ هاتن دەست پێکرن.

ل گۆرەی راپۆرا کەنالێ خەبەر، ئارمانجا ڤێ کارگەهێ «اندنا ئالیکاریانە ب هەمولاتیان ژ بۆ بەرهنگاربوونا ڤیرۆسا کۆرۆنایێ».

ل گۆرەی دااخوەیانیێن رایەدارێن ئیرانێ رۆژانە نێزی ١٠ هەزار ماسک و رێژەیەک مەزن ژ ماددەیێن دەست شووشتنێ ل ڤێ کارگەهێ تێن بەرهەم ئانین و پاشان ل ناڤچەیێن هەژار تێن پارڤەکرن.

پوستێن ھەمان بەش