ب سه‌دان بوسرمانێن هندستانێ تووشی ڤایرۆسا كۆرۆنایێ یا نوو (كۆڤید-19) بوون، ب سه‌ده‌ما به‌شدارییا وان د كۆمبوونه‌كا ئۆلی دا ل نیۆدلهی یا پایته‌خت.

پاش كۆمبوونه‌كا ئۆلی یا بوسرمانان ل ناڤچه‌یا ب ناڤێ نیزامه‌ددین ل نیۆدلهی یا پایته‌ختا هندستانێ، 441 بوسرمانێن به‌شداری وێ كۆمبوونێ بووین تووشی ڤایرۆسا كۆرۆنا یا نوو (كۆڤید-19) هاتن.

ده‌ستهلاتا نیۆدلهی ئه‌شكه‌ره‌ كر، ئه‌ڤ كۆمبوونه‌ ل حه‌فتییا ئێكێ یا مه‌ها ئادارێ هاتبوو رێخستن و كه‌سێن به‌شدار كو هه‌ژمارا وان 1700 هه‌تا 1800 كه‌سان بوون، قه‌ده‌غه‌یا ده‌ركه‌تنێ و رێنمایێن ته‌ندروستیێ ب جهـ نه‌ئیناینه‌.

ل گۆر داتایێن هندستانێ، هه‌تا نها پێتر ژ 1250 كه‌سان تووشی ڤایرۆسا كۆرۆنایێ بوونه‌، هه‌روه‌ها 32 كه‌یسێن مرنێ هه‌نه‌.

كۆرۆنا ل هه‌ژماره‌كا دی یا وه‌لاتێن باشوورێ ئاسیایێ به‌لاڤه‌بوویه‌، ل پاكستانێ 1526 كه‌یس و 13 مرن، ل سریلانكا 120 تووشبوویی و یه‌ك مرن، ل ئه‌فغانستانێ 128 تووشبوویی و 3 مرن و هه‌روه‌ها ل به‌نگلادشێ 48 تووشبوویی 5 كه‌یسێن مرنێ هاتنه‌ ته‌سبیت كرن.