چین: ئامەریکا نکارە ب رەشکرنا ئالیێن دن ڤیروسا کۆرۆنا کۆنترۆل بکە

چین: ئامەریکا نکارە ب رەشکرنا ئالیێن دن ڤیروسا کۆرۆنا کۆنترۆل بکە

هوا چۆنگ یینگ بەردەڤکا وەزارەتا دەرڤە یا چینی ئیرۆ رۆژا سێ شەمی د کۆنفەرانسەک مەدیایی دە ل باژارێ پەکینێ وەکە بەرتەک نیشاندان ل دژی ئامەریکایێ سەبارەت ڤیروسا کۆرۆنایێ و سووچبارکرنا وەلاتێ چینێ ب بەلاڤ کرنا ڤی ڤیروسی راگهاند: رەشکرنا ئالیێن دن، ئێریش، سووچبارکرنا ئالی و کەسێن دن و رەڤین ژ بەرپرساتیێ، نکارە دەما ژ دەست چوویی ژ بۆ کۆنترۆل کرنا ڤیروسا کۆرۆنایێ بەدەل ڤەکە. وەلاتێن جیهانێ ب تەنێ ب هەماهەنگیێ و هەڤکاریێ دکارن زووتر ڤێ ڤیروسێ کۆنترۆل بکن.

هنەک ژ مەدیایێن بیانی خەبەر ژ ڤێ یەکێ دابوو کو هنەک سیاسەتڤانێن ئامەریکایی گۆتیە، چین سووچبار و بەرپرسا بەلاڤبوونا ڤیروسا کۆرۆنایێ یە ل جیهانێ، هەر وەها ئەڤ سیاسەتڤانە دبێژن “وەلاتێ چاینایێ هژمارا دورست ئا کەسێن ب ڤیرۆسێ کەتی و رادەیا خەتەربوونا ڤێ ڤیروسێ” ب دروستی ژ بوو جیهانێ ئەشکەرە نەکرینە. هنەک ژ سیاسەتڤانێن بریتانی ژی باس ل ڤێ یەکێ کریە کو پێویستە چین «پینەدانا زانیاریێن راست ئێن خوە» بەدەل ڤەکە.

 هوا چۆنگ یینگ بەردەڤکا وەزارەتا دەرڤە یا چینێ سەبارەت ڤان ئاخافتنان گۆت: بەلاڤبوونا ڤیروسا کۆرۆنا بوو خۆدیکەک کو تێدە باشی و خرابی و رەفتارا مرۆڤان رەنگ ڤەدا. ڤیروس سینۆران ناس ناکە، باوەران و نەژاد و نەتەوەیان ژی ناس ناکە. ئۆمێدەوارین ئەڤ کەسێن سیاسی بکارن وەکە پارتیا کۆمۆنیست و دەولەتا چینێ، پێش هەر تشتەکێ ئەولەهیا جانێ مرۆڤان بکن کارێ خوە یێ دەستپێکی و ب پشت گوهئاڤێتنا نەژادپەرستی و غرۆرا سیاسی، شیانێن خوە ژ بوو هەڤکاریا ناڤدەولەتی و بەرهنگاربوونا هەڤپار ل دژی ڤیروسێ بکار بینن.

هوا چۆنگ یینگ راگهاند: وەلاتێ چێنێ هەر ژ مەها یەک یا ئیسال ب ئاوایەک فەرمی و د دەم دە زانیاریین خوە ل سەر کۆرۆنا ڤیروسێ دگەل ئامەریکایێ پارڤەکرن. د ٧ێ مەها یەک دا، سەفارەتا ئامەریکایێ هشیارکرن دایە هەم وەلاتیێن خوە ل چینێ کو نەچن ویلایەتا ووهان. ل ٢٥ مەها یەک، ئاماەریکایێ کۆنسۆلخانەیا خوە ل باژارێ ووهان داخستیە و ل ٢ /٢/٢٠٢٠ان سینۆرێن خوە ل همبەر هەموو هەم ولاتیێن چینێ و بیانی کو پێش ١٤ رۆژان ژ وێ دەمێ سەفەر ژ بۆ چینێ هەبوویە، داخستن.

ناڤبووری د درێژاهیا ئاخافتنێن خوە دە راگهاند: هەولدانێن چینێ ژ بوو بەرهنگاربوونا ڤیروسا کۆرۆنایێ، میناکەک ژ بۆ وەلاتێن جیهانێ دروست کر دەمەک پڕ بها ژ بوو هەموویان کری. لێ هنەک ژ وەلاتان د رۆژەڤێ دە ئەڤ دەمە کو ب بهایێ بلند یێ گەلێ چینێ ب داوی هات ئەرێ ب دەستکەفت زانی و دروست ژێ ئیستیفادە کر؟ ئەو ب خوە ژی بەرسڤا ڤێ یەکێ ددن، گەلێ وان ژی. رۆژ وێ هەرن و ئامەریکا هێژان ژی مژوولی رەخنەکرن و سووچبارکرنا چینێ یە. ئەرێ ئەڤ کەسە ب خوە شەرم ژ ڤێ یەکێ ناکن؟ ئەڤ کەسە د هەولدانێ دانە چینێ سووچبار بکن و کراسەک ژ درەوان بکن بەر وەلاتێ چینێ و ب ڤێ یەکێ ملێن خوە نەدن بەر برپرسیاریان، لێ بەلێ چین بەرسڤا وان نادە.

پوستێن ھەمان بەش