وه‌زاره‌تا په‌ترۆلێ یا حكوومه‌تا ئیراقا فه‌ده‌رال، ئیرۆ داهاتێ مه‌ها ئادارا ئه‌ڤساله راگه‌هاند و ئه‌شكه‌ره كر پێتری 2 ملیار دۆلاران هاتنه ژ ده‌ست دان.
عاسم جیهاد، به‌رده‌ڤكێ وه‌زاره‌تا په‌ترۆلا ئیراقێ، ئیرۆ رۆژا پێنجشه‌می 1/4/2020ێ داخویانی ل ده‌ربارا داهاتێ مه‌ها ئادارێ یێ فرۆتنا په‌ترۆلێ دا و گۆت: «داهاتێ مه‌ها ئادارێ ژ بۆ 2 ملیار و 988 ملیۆن دۆلاران داكه‌تییه».
هه‌روه‌ها ده‌ست نیشان كر، ئه‌ڤ داهاته ب همبه‌ر كرن ل گه‌ل مه‌ها شوباتێ كو پێتری 5 ملیار دۆلاران بوو، ب رێژه‌یا 60% داكه‌تییه.
به‌رده‌ڤكێ وه‌زاره‌تێ ل ده‌ربارا نرخا یه‌ك به‌رمیلا په‌ترۆلێ گۆت: «یه‌ك به‌رمیلا په‌ترۆلا ئیراقی د مه‌ها رابووری دا ب 29 دۆلاران هاتبوو فرۆتن».
داكه‌تنا بهایێ په‌ترۆلێ زیانه‌كا هه‌ری مه‌زن ب وه‌لاتێن به‌رهه‌مئێنه‌ر خستییه، ب تایبه‌ت وان وه‌لاتێن بودجه‌یا وان پشت به‌ستنێ ل سه‌ر په‌ترۆلێ دكه‌ن، وه‌كه ئیراقێ كو داهاتا په‌ترۆلێ 90% یا سه‌رجه‌م بودجه‌یا وێ پێك دئینیت.
