پێتری 12 هزار كه‌سان داخوازی ژ ئاژانسا ناسایێ كرینه وان ببه‌نه گه‌شتا ئاسمانی ژ بۆ بانێ هه‌یڤێ و چاڤه‌رێ تێ كرن ئه‌ڤ گه‌شت ل سالا 2024ێ بهێته ئه‌نجام دان.
ئاژانسا ناسایێ ئه‌ڤرۆ رۆژا پێنجشه‌مبێ 2/4/2020ێ راگه‌هاند كو د چارچووڤه‌یا به‌رنامه‌یا Artemis دا، 12 هزار كه‌سان داخوازی پێش كێش كرنه ژ بۆ كو بچن گه‌شته‌كێ ژ بۆ ڤالاهییا ئاسمانی و بانێ هه‌یڤێ.
هه‌روه‌ها ده‌ست نیشان كر، به‌رنامه‌یا Artemis ل ده‌ستپێكا ئادارێ هاتبوو راگه‌هاندن و هه‌یا 31 ئادارێ به‌رده‌وام ببوو و د ڤی ماوه‌ی دا، 12 هزار كه‌سان ناڤێن خوه ژ بۆ وێ گه‌شتێ تۆمار كرنه.
جێم برایدنستاین، كاربده‌ست ل ئاژانسا ناسایێ د ڤێ ده‌ربارێ دا ئه‌شكه‌ره كر، ئه‌و دخوازن ئێدی خه‌لكی به‌شداری گه‌شتێن ڤالاهییا ئاسمانی بكه‌ن و ئه‌و خوه‌شحالن كو خه‌لكه‌كێ زۆر خواستییه گه‌شتێ بكه‌ن.
به‌رنامه‌یا Artemis دێ ل هاڤینا سالا 2021ێ ناڤێن وان كه‌سان راگه‌هینیت كو ژ بۆ گه‌شتا ڤالاهییا ئاسمانی و بانێ هه‌یڤێ هاتینه په‌ژراندن.
