هەر کەسێ یاسایا قەرەنتینەکرنێ بن پێ بکەت گولەیان تێ بەردن

هەر کەسێ یاسایا قەرەنتینەکرنێ بن پێ بکەت گولەیان تێ بەردن

ل گۆر داوی ئامارێن هاتی راگهاندن ل ولاتێ فلیپینێ، هژمارا کەسێن ب ڤیروسا کۆرۆنا کەتی ل ڤی ولاتی گهشتیە ٢٣٠٠ کەسان و ٩٦ کەسان ژی ب ڤێ سەدەمێ جانێ خوە ژ دەست دایە.

سەرۆک کۆمارێ فلیپینێ فەرمان ل پۆلیس و هێزێن چەکدار یێن ولاتێ خوە کریە کو ئەو کەسێن بەردەوام ل سەر خوەپیشاندانێ و یاسایا قەدەغەیا دەرکەتنێ بن پێ دکن و ئەو کەسێن جڤاکێ فلیپینێ تێک ددن ل دەما قەدەغەیا چوون و هاتنێ دە ب سەدەما ڤیرۆسا کۆرۆنایێ، گوللەیان تێ بەردن.

رووسیا الیوم ب ڤەگوهاستن ژ رۆژنامەیا “Philippine Star” راپۆرەک بەلاڤ کریە کو تێدا دبێژە رۆدریگۆ دۆتر سەرۆک کۆمارێ فلیپینێ، ئەڤ فەرمانە پاش وێ یەکێ دا کو ب دەهان کەسان ژ هەمولاتیێن ڤی ولاتی ل باژارێ کیسۆن سیتی دەست ب خوەپیشاندانان کری و داخواز ژ رایەدارێة وەلاتێ خوە کری ژ ئالیێ خوارنێ ڤە ئالیکاریا وان بکن ژ بەر کو رەوشا وان پڕ خەرابە و نکارن خوارنێ ژ خوە رە پەیدا بکن، ب تایبەتی پشتی دەرکەتنا ڤیروسا کۆرۆنا ل ڤی ولاتی و راگهاندنا قەدەغەیا چوون و هاتنێ. ل سەر ڤێ یەکێ پێتری ٢٠ کەسان ژ خوەپیشاندەران هاتن دەستەسەرکرن.

سەرۆک کۆمارێ فلیپینێ ژ ئێڤارا رۆژا رابووری چارشەمی ١/٤/٢٠٢٠ان راگهاند: «فەرمانا من ژ بوو پۆلیس و هێزێن ئارتەشێ… گەر پەڤچوونەک دروست بوو کو ژیان وە بێخە بن گەفان، ب ئاوایەک راستە راست گوللەیان بەردن وان».

لێ بەلێ ل گۆرەی کانالێ ABS-CBN رۆژا پێنج شەمی ئارچی گامبۆ سەرۆکێ پۆلیسێن نەتەوی یێن فلیپینێ راگهاندیە کو ئەکیبێن یەکەیێن بجی کرنا یاسایێ ت کەسەکێ ناکوژن. ناڤبووری د بەرسڤا ڤێ پرسیارێ دە کو گەلۆ پۆلیس فەرمانا سەرۆک کۆمارێ وەلاتێ خوە جی ب جی ناکن راگهاند: «هەلبەت نا، دبە سەرۆک کۆمارێ مە د ئاخافتنا خوە دە موبالغە کربە».