کۆرۆنا رایەدارێن ئیرانێ کیش و مات دکە

هەر کو دچە هژمارا کەسێن ل ئیرانێ ب ڤیروسا کۆرۆنایا نوو (کۆڤید١٩) دکەڤن زێدە دبن، و رەوش هەر کو دچە ئالۆزتر و خەرابتر دبە ل ڤی ولاتی، د کریزا بەلاڤبوونا کۆرۆنایێ دە ل ئیرانێ هەژمارەک هەری زێدە ژ کەسێن سیاسی و دەستهلاتدار ل ئیرانێ ژی ب ڤێ ڤیروسێ کەتن کو هنەک ژ وان جانێ خوە ژ دەست دایە و هنەکێن دن نها ل ژێر چاڤدێریا دختۆراندانە.

هەر ژ دەستپێکا پەیدابوونا ڤیروسا کۆرۆنا هەژمارەک ژ رایەدارێن ڤی ولاتی ب ڤێ ڤیروسێ کەتن، ئەڤ یەک ژ رەوشا خەتەر و زێدە بەلاڤبوونا ڤێ ڤیروسێ د ناڤا ئیرانێ دە ب روونی ئەشکەرە دکە ب تایبەتی پشتی تووش بوونا عەلی لاریجانی سەۆکێ پارلامانتۆیا ئیرانێ ب ڤێ ڤیروسێ.

هەرچەندە هەیا نها ب شێوەیەک فەرمی ناڤێن ئەندامێن پارلامانتۆیێ و رایەدارێن ئیرانێ کو ب ڤیروسا کۆرۆنا کەتینە نەهاتینە راگهاندن لێ بەلێ هنەک ژ پارەمانتارێن ئیرانێ د دیدارێن مەدیایی دە و د رۆپەلێن خوە یێن سۆسیال مەدیایێ دە خبەر ژ تووشبوونا خوە ب ڤیروسا کۆرۆنا دایە.

ناڤێن ئەندامێن پارلامانتۆیا ئیرانێ کو تووشی ڤیروسا کۆرۆنا بوونە و وان ب خوە راگهاندیە ئەڤن:

١-موجتەبا زۆلنۆری/ پارلامانتارێ باژارێ قوم

٢- مەعسۆمە ئاقاپۆر/ پارلامانتارا باژارێ شەبستەر.

٣-محەمەدرزا مەنسووری/ پارلامانتارێ باژارێ ساوە و زرندیە.

٤- ئەمیر خوجەستێ/ پارلامانتارێ باژارێ هەمەدان.

٥-غۆلامرەزا کاتب/ پارلامانتارێ باژارێ گەرمسار.

٦-شەهاب نادری/ پارلامانتارێ باژارێ ئۆرامانت.

٧-سەدید جەواد حسینی/ پارلامانتارێ باژارێ سەنقر و کلیایی.

کەسێن ب ناڤ و دەنگ کو تووشی کۆرۆنایێ بوونە ل ئیرانێ:

یەکەم کەسێ بەرنیاس د ناڤا رایەدارێن ئیرانێ دە کو تووشی کۆرۆنایێ بووی، مورتەزا رەحمان زادە شارەدارێ ناڤچەیا ١٣ ئا تەهرانێ بوو کو پشتی وەرگرتنا چارەسەریان نها ڤەگەریایە ناڤا مالباتا خوە.

د ناڤا بەرنیاس ترین کەسێن سیاسی کو ل ئیرانێ تووشی ڤیروسا کۆرۆنا بووی ئەم دکارێن ناڤێن ڤان کەسێن ل خوارێ دیار بینن:

١-عەلی ئەکبەر ویلایەتی/ شێورمەنێ سەرۆکێ شۆرەشا ئیسلامی و پرسێن ناڤ دەولەتی دە.

٢-ئیرەج حەریرچی/ جێگرێ گشتی یێ وەزارەتا تەندروستیا ئیرانێ.

٣-عەلی ئەسغەر مۆنسان/ وەزیرێ میراسێن فەرهەنگی، گەشت و گۆزار و پیشەسازیێن دەستی.

٤-رەزا رەحمانی/ وەزیرێ پیشەسازی و بازرگانی.

٥-مەعسۆمە ئێبتێکار/ جێگرا سەرۆک وەزیران د پرسێن ژن و مالباتان دە.

٦-مستەفاپۆر محەمەدی/ وەزیرێ بەرێ ئێ ولات و دادوەری.

٧-محەمەدجەواد ئێروانی/ ئەندامێ جڤاتا دیارکرنا بەرژەوەندیا رەژیمێ.

٨-ئیسماعیل نەجار/ سەرۆکێ سازیا ئیدارەدانا کریزێن ولاتی.

٩-پیرحوسێن کۆلیڤەند/ سەرۆکێ هەوارهاتنا ئیرانێ.

١٠-زەهرا ئەلهیان/ نوونەرێ جڤات و هەلبژارتیێ گەلێ تەهرانێ د جڤاتا یازدێ دە.

١١-عەلی ئاقازادە/ / نوونەرێ جڤات و هەلبژارتیێ گەلێ رەشت د جڤاتا یازدێ دە.

١٢-محەمەد رەزا قەدیری/ سەرۆکێ زانینگەها زانستێن پزشکی ل باژارێ قوم.

١٣- محەمەد جیهانگێری/ جیگرێ سازیا پزیشکی.

کەسێن بەرنیاس کو ب سەدەما ڤیروسا کۆرۆنا جانێ خوە ژ دەست دایە:

١- حسین شێخ ئەلئیسلام/ جیگرێ پرسێن ناڤدەولەتی ئا جڤاتا جیهانی یا نیزیکبوونا ئۆلا.

٢-فاتیما رەهبەر/ نوونەرا هلبژارتی یا گەلێ تەهرانێ ژ بوو جڤاتا یازدێ.

٣-ئەحمەد تۆیسەرکانی/ شێورمەندێ سەرۆکێ دادوەریێ.

٤- هادی سرۆشاهی/ سەفیرێ ئیرانێ ل ڤاتیکانێ.

٥-محمەد میر محمدی/ ئەندامێ جڤاتا دەستنیشانکرنا بەرژەوەندیێن رەژیمێ.

٦-محەمەدعەلی رەمەزانی/ نوونەرێ هلبژارتی یێ باژارێ ئاستانەیا ئەشرەفیێ د جڤاتا یازدێ دە.

٧-موجتەبا فازلی/ سەکرەتەر و بەرپرسێ بجیکرن و دارایی یێ ئایەتولله موسەوی شبیری زەنجانی ژ لێڤەگەرێن تەقلیدی یێن شیعی.

٨-ئایەتولله سەید جەعفەر کەریمی/ ئەندامێ جڤاتا مامۆستەیێن حەوزا زانستی یا قومێ.

٩-هاشم بەتحایی/ ئەندامێ جڤاتا بسپۆرێن سەرۆکاتیێ.

١٠-سەردار ناسر شەعبانی یەک ژ فەرماندارێن پلە بلند ئێن سوپایێ پاسدارێن ئیرانێ.

١١-محەمەد رەزا راهچەمەنی/ سیاسەتمەدارێ چاکسازی خواز و سەکرەتەرێ گشتی یێ پارتیا وەحدەت و هەڤکاریا نەتەوەیی.

١٢-فەرزاد تەزری/ جیگرێ بەرێ ئێ ئیدارەدانا سیاسی یا سوپا و یەک ژ بەرپرسێن بەرێ یێن ئیستیخباراتا سوپایێ پاسداران.