وه‌لاتییه‌كێ ته‌مه‌ن 63 سال كو د كه‌ره‌نتینێ دابوو و پاش كو قه‌ده‌غه‌یا ده‌ركه‌تنێ شكاندی، پۆلیسان گوللـه به‌ردانێ و هه‌ر راست كوشت.
پاش كو سه‌رۆكێ فلیپینێ رودريغو دوتيرتی فه‌رمان دایه پۆلیسان ژ بۆ گوللـه‌باران كرنا هه‌ر كه‌سێ قه‌ده‌غه‌یا ده‌ركه‌تنێ بشكێنیت، پۆلیسان فه‌رمانا سه‌رۆكێ وه‌لات وه‌كو خوه جێبه‌جێ كر وه‌ختا كو وه‌لاتییه‌كێ ته‌مه‌ن 63 سالی ل سه‌ر جاددێ گوللـه‌باران كری.
ل گۆر پێگه‌ها فلیپین ئۆنلاین، وه‌لاتییه‌كێ ته‌مه‌ن 63 سال پاش كو ژ جهێ كه‌ره‌نتینێ ده‌ركه‌تی ژ بۆ كو گازندێ ژ وێ جۆرێ خوارنێ بكه‌ت كو حكوومه‌ت ژ بۆ وان دابین دكه‌ت، پۆلیسان گوللـه به‌ردانێ و كوشت.
فلێپین ئۆنلاین ده‌ست نیشان كر، ئه‌ڤ بوویه‌ر ل رۆژا پێنجشه‌می 2-4-2020ێ چێبوویه، ئانكو ب 24 ده‌مژمێران پاش بریارا رودريغو دوتيرتی سه‌رۆكێ وه‌لاتی یا گوللـه‌باران كرنا وان كه‌سێن قه‌ده‌غه‌یا ده‌ركه‌تنێ د شكێنن.
وه‌لاتیێ كو هاتییه كوشتن، پۆلیسان ل نێزی خاله‌كا پشكنینێ ل باژارێ بارانجای ئامۆنتای ته‌قه لێ كربوو، لێ به‌لێ پشتره ئه‌شكه‌ره بوو كو ئه‌ڤی كه‌سی مه‌ی ڤه‌خوار بوو و ل سه‌ر هشێن خوه‌نه‌بوویه وه‌ختا ژ جهێ كه‌ره‌نتینێ ده‌ركه‌تی.
