وێنەیەک سێلفی دبە سەدەما ئاشکەرا بوونا درەوێن ترکیێ

وێنەیەک سێلفی دبە سەدەما ئاشکەرا بوونا درەوێن ترکیێ

وێنەیەک سێلفی کو ژ ئالیێ “عبدو الحمسا”، چەکدارێ کرێ گرتی یێ سووری ل ولاتێ لیبیایێ، هات بەلاڤکرن کو تێدە دیار دبە هەژمارا کرێ گرتیێن سووری ژ ئالیێ ترکیێ ڤە ل ولاتێ لیبیایێ، هەر کو دچە زێدە دبن، ژ بەر کو د ڤی وێنە دە پێتری ١٠٠ کرێ گرتیێن چەکدار و هەژمارەکە زێدە ژ وەسائیتێن سەربازی ل یەک ژ ئەنیێن شەری ل تەرابلوسا پایتەختا لیبیایێ دە دیار دبن، ل گۆرەی چاڤکانیێن مەدیایی ئەڤ ئەنیا شەر، ئەنیا ب ناڤێ ئەلسەدرە ل باشوورێ تەرابلوسێ.

ئامارێن کوشتی یێن ملیسێن کرێ گرتی یێن سووری ژ ئالیێ ترکیێ ڤە ل لیبیایێ ب بەرچاڤوەرگرتنا برینداربوونا هەژمارەک نوو ژ وان د پەڤچوونێن د گەل هێزێن لیبیایێ دە، بەردەوام د زێدەبوونێ دانە. روانگەها سووری ژ بۆ مافێن مرۆڤان، خەبەر ژ کوشتنا ٩ چەکدارێن ئەندام د ملیسێن پشتەڤانێن ترکیێ د پەڤچوونێن دگەل هێزێن ئارتەشا لیبیا ل ئەنیێن جودا دایە، ل گۆرەی ڤان ئاماران هژمارا چەکدارێن سەر ب دەولەتا ترکیێ ڤە کو ل ئەنیێن شەر ل لیبیایێ هاتینە کوشتن گهایە ١٦٥ چەکداران.

ب سەدەما پێنەدانا کرێیێن وان کو نێزی ٢٠٠٠ دۆلارانە، نها دناڤبەرا چەکدارێن کرێ گرتی نەرازیبوون زێدە بوویە ئەڤ یەک ژ ئالیەکێ، و ژ ئالیەک دن رەوشا ژیان کرنا ڤان ملیسان هەر کو دچە بەر ب خەرابتر بوونێ ڤە دچە ژبەرکو دەولەتا ترکیێ نە پابەندە ب سۆزێن خوە و خوەش کرنا ژیانا وان ملیسان.

ل گۆرەی تۆمارەکە دەنگی ئا یەک ژ چەکدارێن کرێ گرتی یێن سووری ل ولاتێ لیبیایێ، هەموو چەکدارێن کرێ گرتی ژ هاتن بۆ لیبیایێ پڕ پوشمانن و داخوازێ ژ وان کەسان دکن کو دخوازن بچن لیبیایێ، دەست ژ ڤێ خواستەکا خوە بەردن ژبەرکو رەوش ب توندی رەوشەک خەرابە و «ترک درەوان دکن ژ پێدانا ٢ هەزار دۆلاران وەکە مووچەیێ مەهانە».

 ئەڤ کرێ گرتیێ سووری زیدەتر دبێژە: «ترکیێ ب تەنێ مەهەکێ مووچە ب مە دایە و پاشان چ تشتەک ب مە نەدایە، ئەم د مالێ دە مانە و خوە جگاران ب مە نادن. ئەم نکارن ژ مالێ دەرکەڤن ژبەرکو ئەڤ ناڤچە ئا پڕە ژ کەسێن سەر ب ئارتەشا لیبیایێ ڤە. ئەڤ چەکدارێ کرێ گرتی دبێژە ژی، ئەم هەموو دخوازین ڤەگەرین سووریێ. هنەک کاروان د ئامادەباشیێ دەنە ژ بو ڤەگەرین ب رێیا سوپایێ شامێ».

وێنەیەک سێلفی دبە سەدەما ئاشکەرا بوونا درەوێن ترکیێ