گۆتیرێس: ڤیروسا کۆرۆنا بوویە سەدەما زێدەتر بوونا توندوتیژیا ل دژی ژنان

گۆتیرێس: ڤیروسا کۆرۆنا بوویە سەدەما زێدەتر بوونا توندوتیژیا ل دژی ژنان

زیدەتر بەلاڤبوونا ڤیروسا کۆرۆنا ل جیهانێ ب تەڤاهی بوویە سەدەما پێتر لێخستنا ژنان ژ ئالیێ زەلامان ڤە ب ئاوایەک وەها کو ئانتۆنیۆ گۆتیرێس سەکرەتەرێ گشتی یێ نەتەوەیێن یەکبوویی دوهی شەڤ ٥/٤/٢٠٢٠ان ژ گەلێ جیهانێ خواست کو پارێزڤانیا ژن و کەچان بکن کو ژ بەر بەلاڤبوونا ڤیروسا کۆرۆنا نها ل مالێ دە هاتینە ئیزۆلە کرن و کەتینە بن لێخستن و ئازارێن مالباتێن خوە.

ل گۆرەوی راپۆرا پێگەها فرانس پرێس ئانتۆنیا گۆتیرێس د بەیانەکێ دە راگهاند: « د دەما هەفتەیێن رابووری دە هەڤدەم دگەل پێتر بەلاڤبوونا ڤیروسا کۆرۆنا، توندوتیژیا ل دژی ژنان د جیهانێ دە زێدەتر بوویە ب سەدەما وێ یەکێ کو هەر کەس نها د مالێن خوە دە هاتییە ئیزۆلەکرن، هەروەها د دەما ئیزۆلەکرنێ دە ل مالێ و زێدەبوونا فەشارێن ئابووری و جڤاکی و زیدەبوونا نەئارامیێن پسکۆلۆجی جیهانی بەرەڤ پێشچوونەکە ب ترس ب خوەڤە دیتیە ژ بۆ ئالیێ توندوتیژیا ل دژی ژنان د ناڤا مالباتان دە».

گۆتیرێس هەر وەها راگهاند، ژ بەر ڤێ یەکێ ئەز ئیرۆ داخوازەک نوو ژ بوو بنەجی کرنا ئاشتیێ د ناڤا مالباتان دە ل هەموو جیهانێ رادگهینم.

ژبەر رێگری کرن ل پیتر بەلاڤبوونا ڤیروسا کۆرۆنا پێتریا ولاتێن جیهانێ سینۆرێن خوە گرتینە، بالەفرخانە قەپات کرینە، قەدەغەیا هاتن و چوونێ راگهاندیە و هەموو چالاکیەک کو ببە سەدەما کۆم بوونا مرۆڤان ل دوور هەڤ راوەستاندیە و گەل د ناڤا مالێن وان دا ئیزۆلە کرینە کو ئەڤ یەک بوویە سەدەما پەیدابوونا پێلەکا نوو ژ توندوتیژیا ل همبەر ژنان د ناڤا مالباتان دە کو هنەک جاران ئەڤ توندوتیژیە دگەهە ئاستا کوشتنا ژنان.

ل گۆرەی ئامارێن کو ژ ئالیێ پێگەها فرانس پرێنس ب پشت بەستن ل سەر چاڤکانیێن فەرمی ب دەست خوە خستینە ل ئامەریکا هەیا نها هەری کێم ٧٦١٦ کەسان ب سەدەما ڤیروسا کۆرۆنا جانێ خوە ژ دەست دایە و هژمارا کەسێن ب ڤێ ڤیروسێ ژی کەتی گهایە ٣٠٤٨٣٨ کەسان.

ئەڤ یەک د دەمەکێ دایە کو ل گۆرەی ئامارێن فەرمی پێتری ١٢٤٤٧٤٠ کەسا ل ١٩١ ولاتێن جیهانێ دە ب ڤیروسا کۆرۆنا کەتینە و نێزی ٧٥٠٠٠ کەسان جانێ خوە ژ دەست دایە، لێ بەلێ ئەڤ ئامرێن بەشەک ژ راستیێ یە ژبەرکو د هنەک ولاتان دە هەژمارا دروست یا مریان ب سەدەما کۆرۆنایێ نایێ ئەشکەرە کرن و هەژمارەکە ولاتان ژی تەستێن تووشبوون ب ڤیروسا کۆرۆنا ناهێن ئەنجامدان ب تەنێ د هنەک عالەتێن کێم دە نەبە کو نەخوەش دچە نەخوەشخانەیێ.

پوستێن ھەمان بەش