پێگەها خەبەری یا رووسیا ئەلیەوم، راگهاند خەلیفە حەفتەر گەنەرالێ خانەنشین بوویی یێ ئارتێشا لیبیایێ کو خوە وەکە فەرماندارێ گرۆپا ب ناڤێ ئارتەشا نەتەوی یا لیبیایێ ددە ناساندن ئیرۆ رۆژا دوشەمی ٦/٤/٢٠٢٠ان راگهاندیە کو هێزێن وی بالەفرەکە بێ پیلۆت ئا دەولەتا ترکیێ د ناڤچەیا بۆقرین ل رۆژهلاتێ باژارێ مسراتە خستیە خوارێ.
ئەحمەد ئەلمسماری بەردەڤکێ ئارتەشا نەتەوی یا لیبیایێ رۆژا یەکشەمی راگهاند کو هێزێن وان وەسائیتێن لەشکری و پێگەهێن دەولەتا ویفاق ل باژارێ تەرابلوسێ و بۆقرین لن رۆژهلاتێ باژارێ مسراتە ئارمانج کرینە.
پێش نها ژی بەردەڤکێ هێزێن سەر ب دەولەتا قیفاق راگهاندبوو، هێزێن ئاسیمانی یێن ڤی ولاتی، بالەفرەکە سەر ب هێزێن ب ناڤ ئارتەشا نەتەوی یا لیبیایێ کو گەنەرال خەلیفە حەفتەر سەرکرداتیا وان دکە، ل ناڤچەیا ترهۆنە کو دکەڤە ٨٠ێ کیلۆمەتریا باشوورێ باژارێ تەرابلوسێ ئارمانج کریە و ئەو تەقاندیە.
فەرماندار محەمەد قنۆنۆ راگهاند، بالەفرا هاتیە تەقاند ئا تژی بوو ژ ئامۆرێن سەربازی ژ بوو هێزێن گەنەرال حەفتەر.
گەنەرال حەفتەر بوو دەما سالەکێ دبە ب بەهانەیا لێدانا گرۆپێن تەرۆریستی ئێریشی باژارێ تەرابلوسێ دکە لێ هەیا نها نەکاریە ڤی باژاری کۆنترۆل بکە.
