سۆیی فۆنخە باژارەک بچووک بێ هەبوونا ت نەخوەشخانەیەک پێشکەفتی و هەبوونا ئاموورێن پێتڤی ژ بوو رووبرووبوونا ڤیروسا کۆرۆنا و زیدەبوونا هەژمارا نەخوەشان دبە رەوشێ خەرابتر بکە.
هەڤدەم د گەل ب داوی هاتنا ئیزۆلەکرنا پشتی ٧٦ رۆژان و ئازادیا هاتن و چوونا هەم ولاتیا د ناڤا باژارێ ووهان ل ولاتێ چێنێ کو ب چاڤکانیا دەرکەتن و بەلاڤبوونا ڤێ ڤیروسێ تێ ناسین، باژارەک دن ئێ بچوک ل باکورێ رۆژهلاتێ چینێ هات ئیزۆلەکرن.
مەدیایێن ولاتێ چینا ئەشکەرە کرن، رایەدارێن باژارێ سۆیی فۆنخە ل ویلایەتا خەلۆنگ جیانگ، کو دکەڤە باکورێ رۆژهلاتێ چینێ ئیرۆ رۆژا چارشەمی ٨/٤/٢٠٢٠ان راگهاندیە، وێ هنەک تەدبیرێن توند ژ بوو رێگری کرن ژ بەلاڤبوونا ڤیروسا کۆرۆنا ل ڤی باژاری هێن سەپاندن.
ب گەلێ ڤی باژێری رە هاتیە راگهاندن د مالێن خوە دە بمینن و ب تەنێ یەک ژ ئەندامێن مالباتێ هەر سێ رۆژان جارەکێ دکارە بچە و کەلوپەلاێن خوارنێ و ڤەخوارنێ و پێویستیێن ژیان کرنێ ژ مالباتا خوە رە بکرە.
ئەڤ بریار باش وێ یەکێ تێ کو ویلایەتا خەلۆنگ جیانگ ئا چینێ راگهاندی هەژمارەک ژ تووشبوویێن کۆرۆنایێ ل ڤێ ویلایەتێ گهانە ٢٥ کەسان کو ب ئیهتیمالەکە زێدە ژ بەر هاتن و جوونا سەر سینۆران ڤە گرێدائیە، ژبەرکو ئەڤ ویلایەت ئێ هەڤسینۆرە د گەل ولاتێ رووسیێ.
