سه‌رۆكێ هه‌رێما باشوورێ كوردستانێ ئیرۆ ل ده‌ربارا كاندید كرنا مسته‌فا كازمی ژ بۆ پێكئینانا حكوومه‌تا تازه یا ئیراقێ په‌یام به‌لاڤ كر و تێدا پشتگرییا باشوورێ كوردستانێ ژ بۆ كاندید كرنا وی نشان دا یه.
ئه‌ڤ ژی ته‌كستا په‌یامێ یه:
ئەڤ رەوشا سەخت و دژوارا وەلاتێ مە یێ عەزیز تێدا دەرباز دبیت، ژ مە ھەموویان دخوازیت ناکۆکیێن خوە ل ئالییەکی دانین، ھەر چ زووترە ل سەر میكانزمه‌كێ ژ بۆ پێكئینانا حکوومەتا فەدەرال ل گۆر دەستووری و ل سەر بنگەھا پێکھاتنێ و سازانەکا راستین رێکبکەڤین کو ئارامی و شیانا حکوومەتێ د بجھکرنا ئەرکێن خوە دا میسۆگەر بكه‌ت، گرنگترین ئەرک ژی ل ڤێ قۆناغێ دا، رووبرووبوونا وان مەترسی و قەیرانانە کو راستی ئیراقێ بووینە.
سەرۆکایەتیا ھەرێما کوردستانێ ژ بنگه‌ها باوەری كرنێ ب ئارامیا سیاسی و ئەمنی یا ئیراقێ ئامادەیە کارێ جددی بکەت، ب وێ ناڤێ دا ژی پێكئینانا ھکوومەتا نوو ب پشتەڤانییا ھەموو ئالیێن نیشتمانی گەلەک ب پێویست دزانیت.
د ڤێ چارچۆڤەیی دا پێشوازیێ ل کاندیدکرنا برێز مستەفا کازمی ژ بۆ پۆستا سەرۆکوەزیرێ حکوومەتا فەدەرال دکه‌ین کو ژ ئالیێ ھێزێن سیاسیێن پێکھاتا شیعە ڤە ھاتییە دەست نیشان کرن، داخوازێ ژ ھەموو ئالییەکی ژی دکه‌ین پشتەڤانیێ بکه‌ن ھەتا كو ب زووترین دەم ئەرکێن پێكئینانا حکوومەتێ تەمام بکەت.
خودایێ مەزن پشتەڤانێ مە بیت.
نێچیرڤان بارزانی
سەرۆکێ ھەرێما کوردستانێ
چارشه‌مبێ 8/4/2020ێ
