ل ستەنبۆلێ ماسک  بەلاش ب هاولاتیان رە تێن دایین

ل ستەنبۆلێ ماسک  بەلاش ب هاولاتیان رە تێن دایین

وەزارەتا تەندروستیا ترکیێ و یەکیتیا دەرمانخانەیان ل ستەنبۆلێ لهەڤهاتن کریە ماسکان ب ئاوایەک بەلاش ل سەر گەلێ ستەنبۆلێ پارڤە بکن.

مەدیایێن ولاتێ ترکیێ ئەشکەرە کر وەزارەتا تەندروستیا ترکیێ دگەل یەکیتیا دەرمانخانەیێن باژارێ ستەنبۆلێ ب گارانتیکرنا دراڤی یا وەزارەتا تەندروستیێ، دەرمانخانەیێن ستەنبۆلێ وێ ماسکان بێ پەرە ژ گەلێ ستەنبۆلێ رە بدن.

ل گۆرەی ڤێ لهەڤهاتنا د ناڤبەرا وەزارەتا ساخلەمیێ و یەکیتیا دەرمانخانەیێن ستەنبۆلێ دە، دەرمانخانەیێن باژارێ ستەنبۆلێ وێ ب هەر روونشڤانەکێ باژار یێن ژیێ وان دناڤبەرا ٢٠ هەیا ٦٥ سالان دە هەر ١٠ رۆژان جارەکی ٥ ماسکان بێ پەرە بدن.

ئەڤ ماسک وێ ل سەر ئەساسێ هەژمارا نەتەوی یا هەم ولاتیێن ستەنبۆلێ وەرە دایین.

تێ زانین کو پێش نها حکوومەتا ترکیێ دەرکەتنا هەم ولاتیێن ل ژێر ٢٠ و ل سەر ٦٥ سالی دە ژ مالێ قەدەغە کربوو هەر ژ بەر ڤێ ئەگەرێ ت ماسکەک ب ڤان کەسان نایێ دایین.