کەسەک سەر ب حیزبالله ب مادەیێن هوشبەر تێ دەستەسەرکرن

کەسەک سەر ب حیزبالله ب مادەیێن هوشبەر تێ دەستەسەرکرن

روانگەها سووری ژ بۆ مافێن مرۆڤان ئیرۆ رۆژا پێنجشەمی ٩/٤/٢٠٢٠ راگهاند، هێزەکا سەر ب ئارتەشا رووسیێ، دەست ب سەر بارەکێ ماددەیێن هشبەر ل سینۆرێ دیمەشقێ دا گرت کو یێن کەسەکێ سەر ب حیزبالله ێ نە.

روانگەها سووری ژ بۆ مافێن مرۆڤان هەر وەها راگهاند کو هێزا ئارتەشا رووسیێ، ئێریشی کوگەهەکا ماددەیێن هشبەر ل ناڤچەیا معربا، ل سینۆرێ رۆژئاڤایێ دیمەشقێ کریە، کو ئەڤ کۆگەهە یا کەسەکی سووری یێ سەر ب حیزبالله یا لبنانی ڤەیە.

ل گۆرەی چاڤکانیێن روانگەها سووری ژ بۆ مافێن مرۆڤان ل سووریێ، ئەڤ ئێریش پاش وێ یەکێ هات پێکئانین کو باوەرپێکریێن ئارتەشا رووسیێ ل ڤێ ناڤچەیێ بەردەوام گازندە ژ زێدەبوونا بکارئانینا ماددەیێن هشبەر د ناڤا جوانێن ڤێ ناڤچەیێ دە دکر.

ڤان چاڤکانیان هەر وەها ژ بۆ ڤێ روانگەهێ زەلال کریە ئەڤ ماددێن هشبەر ژ ئالیێ کەسێن سەر ب حیزبالله ئا لبنانی ڤە دناڤا گەل دە دهێن پارڤەکرن و فرۆتن.

هەرچەند ئەڤ ماددەیێن هشبەر پێش هەفتەیەکێ ژ ئالیێ پۆلیسێن سەربازی یێن رووسیێ ڤە دەست ب سەر دە هاتیە گرتن لێ بەلێ ل گۆرەی روانگەها سووری یا مافێن مرۆڤان هەیا نها ت زانیاری ل سەر چارەنڤیسا کەسێ خوەدیێ ڤان ماددەیێن هشبەر دیار نینە.

پوستێن ھەمان بەش