رێخستنا ته‌ندروستییا جیهانی، ئیرۆ ل ده‌ربارا په‌یوه‌ندییا تاورێن تۆرا 5Gیێ ب به‌لاڤبوونا ڤایرۆسا كۆرۆنا یا نوو (كۆڤید-19) ڤه راگهاندنه‌ك وه‌شاند و تێده ته‌سبیت كرییه كانێ ڤی ڤایرۆسی چ په‌یوه‌ندی ب وێ تۆرێ ڤه هه‌یه.
رێخستنا ته‌ندروستییا جیهانی، د پێگه‌ها خوه یا سه‌ره‌كه ده، ئیرۆ رۆژا یه‌كشه‌می 12/4/2020ێ زه‌لالكرنه‌ك ل ده‌ربارا تاورێن تۆرا 5Gیێ وه‌شاندییه و تێده هاتییه كو ڤایرۆسا كۆرۆنا یا نوو ب چ ئاوایه‌كی ب رێیا پێلێن رادیۆ، تۆرێن كۆمپانیێن په‌یوه‌ندییان و هه‌روه‌ها تۆرا نوو یا ب ناڤێ 5Gیێ، نایێ ڤه‌گوهاستن.
ته‌ندروستییا جیهانی هه‌روه‌ها ده‌ست نیشان كرییه، ڤایرۆسا كۆرۆنا ل هنه‌ك وه‌لاتان به‌لاڤه‌بوویه كو تاور و تۆرێن 5Gیێ تێده نینن.
ته‌ندروستییا جیهانێ ئه‌ڤ زه‌لالكرنه ل ده‌مه‌كێ وه‌شاندییه كو ل هنه‌ك وه‌لاتێن ئه‌ورۆپایێ ب تایبه‌ت به‌ریتانیایێ، هه‌ژماره‌كه كه‌سێن كو باوه‌ری ب تیۆرییا پیلانگیریێ هه‌یی، تاورێن تۆرا 5Gیێ ژ ناڤ برنه ژ به‌ر كو ئه‌و ل وێ باوه‌رێ نه كو ئه‌ڤ تاور دبه سه‌ده‌ما به‌لاڤبوونا ڤایرۆسا كۆرۆنایێ.
هه‌روه‌ها ل چینێ ژی، ئه‌ڤ تیۆری به‌لاڤه‌ببوو كو پاش بكارئانینا باژارێ ووهان بۆ تۆرا 5Gیێ، ڤایرۆسا كۆرۆنایێ ده‌ركه‌ت و د زوو ده به‌لاڤه‌بوو.
