ئامەریکا کاروانەکە سەربازی دشینە باژارێ حەسەکێ

ویلایه‌تێن یه‌كبوویی یێن ئامەریکایێ ئیرۆ، کاروانەکە دن ئێ سەربازی کو پێک تێ ژ ئالاڤێن سەربازی و لۆجستی ژ بۆ باشوورێ باژارێ حەسەکێ، ل باکورێ رۆژهلاتێ سووریێ رەوانە کر.

چاڤکانیێن پێگەها دارکا مازی ل رۆژئاڤا کوردستانێ ئیرۆ رۆژا یه‌كشه‌می 12/4/2020ان کاروانێ سەربازی ئێ ئامەریکایێ کو ژ 35 بارهلگرێن سەربازی پێک دهات چوو د ناڤا باژارێ “ئەلشەدادی”  ل باشوورێ باژارێ حەسەکێ.

ئەڤ کاروانێ هان د رێیا د ناڤبەرا دێرازۆرێ و باژارێ حەسەکێ دەرباس بوویە، هەروەها 2 بالەفرێن جەنگ و هەژمارەکه‌ هێزێن “هەسەدێ” پارێزڤانی ل ڤی کاروانی دکر.

تێ زانین کو پێش نها ژی چاڤکانیێن مەدیایی ل سووریێ راگهاند بوو کاروانەک دن ئێ سەربازی ئێ ئامەریکایێ، رۆژا شەمی یا رابووری دەرباسی باشوورێ باژارێ حەسەکێ بوویە.

پێش نها ژی ئاژانسا مەدیایی یا دەولەتا سووریێ سانایێ راگهاند بوو کو ئامەریکایێ ب دەهان وەسائیت و ئاموورێن سەربازی ژ ناڤچەیێن باکورێ باژارێ رەقایێ و باشوورێ باژارێ حەسەکێ ڤەگوهاستینە ناڤچەیا رمێلانێ و ل نێزی بیرێن پەترۆلێ جێگیر کرنە.