ژنێن گوندەکی ل ولاتێ هندستانێ هەڤ دەم د گەل بەلاڤ بوونا ڤیرۆسا کۆرۆنا هاتنا کەسێن بیانی ژ بۆ ناڤا گوندێ خوە دە قەدەغە دکن.
گوندێ «جاتها» دکەڤە ناڤچەیا جامۆ و کەشمیر ل ولاتێ هندستانێ، ئەڤ گوندە ژ ئالیێ هەژمارەک ژ ژنان دهێت پاراستن و رێیێن هاتنە ناڤا گوند ب تێلبەندان گرتینە.
ئەڤ ژنە دار ب دەستن و ماسک ل سەر روویێ وان هەیە و رێکێ ل وان ئەرەبە و مۆتۆرسیکلان دگرن یێن کو دخوازن بچن ناڤا گوندێ وان دە.
ل ناڤچەیا جامۆ و کەشمیرێ دە 250 کەس ب ڤیرۆسا کۆرۆنایێ کەتینە و 16 کەسان ژی جانێ خوە ژ دەست دانە، وەزارەتا تەندروستییا هندستانێ راگهاند هه‌ژمارا کەسێن کو ب ڤیرۆسا کۆرۆنایێ کەتینە ل ڤی ولاتی گهشتینە 10 هەزار و 363 کەسان، هەر وها هەژمارا کەسێن ب ڤێ سەدەمێ جانێ خوە ژ دەست دای گهشتییە هەزار و 36 کەسان.
