پشتی 4 سالان ل بەحرێنێ بالەفرەک بەر ب ئیرانێ فری

دەولەتا بەحرێن رۆژا سێ شەمی 14/4/2020ان راگهاند، شیرکەتا بالەفران ئا ب ناڤێ «گولف ئایر» ئا ڤی ولاتی، پشتی 4 سالان بۆ یەکەم جار ب مەرەما ڤەگەراندنا هەمولاتیێن بەحرێنی یێن کو ل ئیرانێ دشوغلن و ب سەدەما ڤیروسا کۆرۆنا جانێ وان کەتیە خەتەرەیێ بەر ب ئیرانێ فری.

دەولەتا بەحرێنێ پشتی ئێریشا هژمارەک ژ بەسیجیان “هێزێن خوە بەخش یێن ئیرانێ” بۆ سەر سەفارەتا وەلاتێ سعوودیێ ل تەهرانێ، و ئاگر تێ بەردانا  بەشەکێ ژ ئاڤاهیێ سەفارەتێ و ب ئیفشاکرنا چەندین شانەیێن نهێنی یێن چەکدار و خوەدی مادەیێن تەقینێ ل سالا 2016ان دە ژ ئالیێ هێزێن ئەولەهی یێن ڤی ولاتی کو ل گۆرەی زانیاریان ئەڤ شانەیێن نهێنی ژ ئالیێ سوپایێ پاسدارێن ئیرانێ ڤە هاتبوون پەروەردەکرن و ژ ئالیێ تەهرانێ ڤە پەرە پێ دهات دان، بەحرێنێ هەموو پەیوەندیێن خوە یێن دیپلۆماتیک دگەل ئیرانێ قوت کرن و سەفارەتێن هەر دو ولاتان هاتبوون داخستن. هەڤ دەم دگەل ڤێ یەکێ فرینا بالەفرێن «گولف ئایر» ل سالا 2016ان دە هاتبوون سەکناندن و هەیا ئیرۆ  ت  فرینەک بەر ب ئیرانێ نەبوویە.

ئەڤ یەکەم فرینا بالەفرێن شیرکەتا «گولف ئایر»ە ژ بۆ ئیرانێ پشتی 4 سلان. ئەڤ فرینە ژ بوو ڤەگەراندنا نێزی هەزار زیارەتکارێن بەحرێنی هاتیە ئەنجامدان کو پێش بەلاڤبوونا ڤیروسا کۆرۆنایێ ژ بۆ زیارەتا جیێن ئۆلی سەرەدانا ئیرانێ کر بوو.

بەحرێنێ چەندین هەفتەیان هەول دا کو هەم ولاتیێن خوە یێن ل ئیرانێ ئاسێ مای ب رێیا بالەفرێن ولاتەک دن ڤەگەرینە لێ بەلێ هەموو هەولێن وان بێ ئەنجام مان، ل داویێ ب نەچاری رێ ب بالەفرێن دەولەتێ یێ سەر ب شیرکەتا «گولف ئایر» دا کو بەر ب ئیرانێ بفرە و هەم ولاتیێن بەحرێنێ ڤەگەرینە.

رایەدارێن دەولەتا بەحرێنێ دبێژن رێپێدانا ئیرانێ ب زیارەتکارێن بەحرێنی د رەوشەک وەها دە کو هەموو سازیێن تەندروستی یێن ناڤدەولەتی ل سەر خەتەرەیا بەلاڤبوونا ڤیروسا کۆرۆنا هشداریێ ددن، دچە خانەیا «ئێریشا بایلۆژی» یا بەرنامەکری ژ ئالیێ تەهرانێ بۆ سەر بەحرێنێ.

هکوومەتا بەحرێنێ دبێژە رایەدارێن ئیرانێ ژ بۆ ئیفشا نەبوونا هەم ولاتیێن بەحرێنێ کو سەرەدانا ئیرانێ دکن موهرا چوون و دەرکەتنێ ل پاسەپۆرتا وان نادە و ئەڤ یەک د رەفتارێن ناڤدەولەتی دە ب رەفتارەک نە یاسایی تێ ناساندن.